Lub sijhawm kawg, peb tsuas yuav pom kev phem huam vam loj zuj zus ntxiv lawm xwb. (2 Timautes 3:1; kawm ntxiv txog Mathais 24:8, “pangs of distress,” nwtsty-E) Thaum muaj xwm txheej, lub koom haum yeej tshaj tawm kom Yehauvas cov tibneeg ua li cas. Yuav kom peb dim, peb yuav tsum ua neeg mloog lus es npaj peb tus kheej tamsim no, tsis hais tej khoom ub khoom no los yog peb txojkev ntseeg.​—Lukas 16:10.

• Npaj kev ntseeg: Lauj sijhawm los kawm Vajlugkub. Xyaum txhua txoj hau kev qhia Vajlugkub. Tsis txhob txhawj yog tias tsis muaj cov ntseeg nyob ze koj. (Yaxayas 30:15) Yehauvas thiab Yexus nkawd yeej nrog nraim koj.​—od-E 176 ¶15-17

• Npaj khoom: Tsis txhob npaj lub hnab ntim khoom xwb, ib tse neeg yuav tsum npaj zaub npaj mov, npaj dej haus, npaj tshuaj, thiab lwm yam hais tsis txhij tsis txhua. Npaj li no kom nej thiaj muaj txaus noj txaus haus thiab siv yog nej ho tshais mus nyob lwm qhov chaw ntev loo.​—Pajlug 22:3; g17.5-E 4, 6

SAIB ZAJ YEEB YAJ KIAB KOJ NPAJ PUAS TAU TXHIJ RAU TEJ XWM TXHEEJ PHEM? TOM QAB SAIB TAG, TEB COV LUS NUG NO:

• Peb yuav npaj peb txojkev ntseeg li cas?

• Vim li cas zoo rau peb . . .

  • nco ntsoov hu qhia rau cov txwj laus paub?

  • npaj ib lub hnab?

  • nrog peb tsev neeg tham seb yuav ua li cas yog muaj xwm txheej?

• Thaum lwm tus ntsib xwm txheej, muaj 3 yam twg peb ua tau los pab lawv?

UA ZOO XAV, ‘Kuv twb npaj khoom ub khoom no thaum pib muaj tus kab mob aws COVID-19 los raug nthawv nthav. Qhov no yuav pab kuv npaj li cas rau thaum muaj xwm txheej?