Nyob rau lub sij hawm kawg tsuas yuav muaj kev kub ntxhov, kev tsis sib haum xeeb thiab kev sib ntaus sib tua ntau zuj zus tuaj xwb. (Tshwmsim 6:4) Yog li peb yuav npaj li cas rau tej xwm txheej uas yuav tshwm sim rau yav tom ntej?

• Tuav rawv kev ntseeg: Kawm kom koj paub phau Vajlugkub tej hauv paus ntsiab lus zoo, thiab kawm txog tej zaj hauv phau Vajlugkub uas yuav pab koj tso siab rau Yehauvas thiab nws lub koom haum. Yog koj ua li no koj thiaj yuav tsis tuaj ib tug twg tog. (Pajlug 12:5; jr-E 125-126 ¶23-24) Tam sim no yog lub sij hawm zoo rau koj cog kev phooj ywg kom ruaj nrog cov uas nyob hauv lub koom txoos.​—1 Petus 4:7, 8

• Npaj yam koj cheem tsum: Npaj zaub npaj mov kom txaus rau hauv vaj hauv tsev es yog thaum tawm tsis tau los thiaj muaj noj muaj haus. Tsis tas li ntawd, npaj seb nej yuav khiav mus rau qhov chaw twg thaum muaj xwm txheej phem. Xyuas nej lub hnab npaj khoom khiav seb puas muaj nyiaj, muaj hnab looj tes, muaj ntaub npog qhov ncauj qhov ntswg thiab tsom iav thaiv qhov muag. Peb yuav tsum muaj cov txwj laug tej xov tooj thiab lawv yuav tsum muaj peb tus xov tooj es yog muaj xwm dab tsi los thiaj li sib hu tau.​—Yaxayas 32:2; g17.5-E 3-7

Thaum muaj kev kub ntxhov rau siab kawm Vajlugkub thiab thov Vajtswv. (Filipis 1:10) Tsis txhob tawm hauv koj lub tsev mus ub mus no. Yog thaum muaj teeb meem ceev lawm mam tawm mus. (Mathais 10:16) Muaj dab tsi los faib rau sawv daws noj thiab sawv daws siv.​—Loos 12:13.

SAIB ZAJ YEEB YAJ KIAB KOJ NPAJ PUAS TAU TXHIJ RAU TEJ XWM TXHEEJ PHEM? TOM QAB SAIB TAG TEB COV LUS NUG NO:

• Yehauvas yuav pab peb li cas thaum peb raug xwm txheej?

• Peb yuav tau ua li cas thiaj npaj txhij rau tej xwm txheej phem?

• Peb ua tau tej yam twg los pab cov uas raug xwm txheej?