Thaum tibneeg pom thiab hnov kiag tej yeeb yaj kiab yeej raug lawv siab heev. Lawv cim tau thiab nco ntsoov tej ntawd mus li. Yehauvas yeej ib txwm siv tej uas neeg tau pom thiab tau hnov los qhia lawv.—Ttx. 10:9-16; QTsh. 1:1.

Cov yeeb yaj kiab Vajtswv Puas Muaj Npe?, Lub Tswvyim Hauv Phau Vajlugkub, Yog Leejtwg Lub?, thiab Vim Li Cas Peb Ho Paub Tias Phau Vajlugkub Yog Vajtswv Tshoov Neeg Sau? yog npaj los pab rau thaum kawm txog zaj 2 thiab 3 hauv phau Xov Zoo. Cov yeeb yaj kiab Kawm Vajlugkub Ua Dabtsi?, Kev Kawm Vajlugkub Zoo Li Cas?, thiab Mus Ua Dabtsi Tom Tsev Nceeg Vaj? yog npaj los pab kom tibneeg xav kawm Vajlugkub thiab tuaj kev sib txoos. Kuj muaj cov yeeb yaj kiab ntev zog uas zoo siv los kawm Vajlugkub nrog lwm tus thiab.—km 5/13 4.

• Muab zaj yeeb yaj kiab koj xav siv los qhia tus tswv tsev, theej tawm ua ntej

• Npaj ib ob lo lus nug thiab kom nws saib zaj yeeb yaj kiab seb teb li cas

• Saib zaj yeeb yaj kiab ua ke

• Tham seb neb tau kawm dabtsi

• Saib daim ntawv tseb sab kawg thiab qhia nws yees lub cim thiaj mus saib tau zaj yeeb yaj kiab Kawm Vajlugkub Ua Dabtsi?

• Tso zaj yeeb yaj kiab Vim Li Cas Peb Ho Paub Tias Phau Vajlugkub Yog Vajtswv Tshoov Neeg Sau? thiab tham ob peb los hauv phau Xov Zoo, zaj kawm 3