Nyob rau lub 9 Hlis, peb yuav tseb phau ntawv me Nyob Kaj Siab Lub Mus Ib Txhis thiab nug seb tib neeg puas xav kawm Vajlugkub. Yog cov tshaj tawm xav pab tho kev 30 txoos teev xwb los yeej tau. Ua li, peb yuav tshaj tawm li cas?

• Thaum Nrog Ib Tug Tham: Siv sab kawg nkaus ntawm phau Nyob Kaj Siab Lub Mus Ib Txhis los tham. Yog lawv nyiam, qhia rau lawv seb yuav kawm Vajlugkub li cas. Kuj zoo rau peb xav txog cov uas peb rov mus xyuas thiab cov uas twb kawm Vajlugkub dua los lawm. Txawm yav tas los lawv tsis kam kawm los nyaj zaum no lawv yuav xav kawm phau ntawv tshiab no. Yog peb mus tshaj tawm es tsis muaj neeg nyob tsev, txhob muab phau no tso rau ntawm qhov rooj. Thiab yog peb sau ntawv mus rau tib neeg es lawv tsis tau npaj siab kawm, txhob rawm xa mus rau lawv. Pab Kwv Tij Uas Sawv Cev Rau Cov Txwj Laug mam li teem seb yuav sib ntsib pes tsawg zaus mus tshaj tawm rau lub 9 Hlis.

• Lwm Txoj Kev Tshaj Tawm: Yog tias nej lub koom txoos teeb laub, muab phau Nyob Kaj Siab Lug Mus Ib Txhis tso rau hauv. Yog ib tug xav tau phau no, qhia rau nws tias peb qhia phau no dawb xwb. Qhia rau nws tam sim ntawd seb yuav kawm phau no li cas, los sis teem ib lub sij hawm mus qhia rau nws. Tus txwj laug uas saib xyuas kev qhia Vajlugkub mam xaiv tej tug uas txawj qhia mus tshaj tawm tom tej kiab tej khw thiab tej lag luam hauv nej koog. Tsis tas li ntawd, nug cov uas nej ntsib thiab cov uas nrog nej ua hauj lwm seb lawv puas xav kawm Vajlugkub.

Yexus sam hwm kom “mus coj txhua haiv neeg” los ua nws li thwj tim thiab cob qhia lawv. (Mathais 28:19, 20) Peb cia siab tias txoj kev tshaj tawm tshwj xeeb no yuav pab tau peb ua raws li Yexus cov lus.