LUB NEEJ KHIXATIA
Xyaum Yehauvas Txoj Kev Hlub Uas Tsis Paub Kawg
Yehauvas qhia nws txoj kev hlub rau peb. (Phau Ntawv Nkauj 103:11) Nws txoj kev hlub tsis paub kawg, nyob ruaj khov, thiab nyob mus ib txhis. Nws twb qhia nws txoj kev hlub rau haiv neeg Ixayees ntau zaus lawm. Nws tso lawv dim cev qhev ntawm teb chaws Iyiv thiab coj lawv mus nyob hauv lub teb chaws uas nws cog tseg rau lawv. (Phau Ntawv Nkauj 105:42-44) Nws cawm lawv dim ntau zaus thiab zam txim rau lawv ib zaug tag ib zaug tuaj. (Phau Ntawv Nkauj 107:19, 20) Yog peb ua tib zoo xav txog Yehauvas txoj kev hlub “uas tsis paub kawg” ces yuav txhawb kom peb haj yam xav xyaum coj li nws.—Phau Ntawv Nkauj 107:43.
SAIB ZAJ YEEB YAJ KIAB ‘XAV TXOG YEHAUVAS TXOJKEV HLUB UAS RUAJ KHOV’ CES TEB OB LO LUS NUG NO:
-
Peb yuav ua li cas thiaj qhia tias peb muaj kev hlub uas ruaj khov?
-
Vim li cas peb yuav tau siv dag siv zog thiaj qhia tias peb muaj txoj kev hlub uas ruaj khov?
