Yehauvas hlub thiab khuvleej tibneeg, nws thiaj xav kom txhua tus tig los nrhiav nws. Cia peb xyaum Yehauvas es khuvleej txhua leej txhua tus thaum peb mus tshaj tawm. (Filipis 2:4) Yog peb khuvleej ib tug twg peb yuav xam pom nws ua ntej peb tus kheej es nkag siab nws txojkev xav, txojkev ntseeg, thiab txojkev coj noj coj ua. Thaum lawv pom tias peb khuvleej lawv tiag ces lawv yuav qhib siab lug thiab xav kawm Vajlugkub nrog peb.

Thaum peb khuvleej ib tug twg, peb ua tib zoo cuab pob ntseg mloog thiab maj mam hais nws. Peb yuav tau nrog nws sib raug zoo kom thiaj paub hais tias nws nyiam li cas, ntseeg li cas, thiab noj li cas nyob li cas. Peb yuav pab nws li peb pab tau tiamsis peb yuav tsis yuam ib tug twg. Yog nws xav kawm ntxiv ces peb yuav txaus siab hlo pab nws li peb pab tau ces thaum ntawd peb yuav kaj siab lug mus tshaj tawm.

SAIB ZAJ YEEB YAJ KIAB COJ TIBNEEG LOS UA THWJTIM YUAV UA RAU PEB MUAJ KEV ZOO SIAB​—XYAUM KOM TXAWJ​—KHUV LEEJ LWM TUS. TOM QAB SAIB TAG, TEB COV LUS NUG NO:

• Txawm tias Iab tuaj lig los Maiv Xis tseem khuvleej nws li cas?

• Txawm tias Iab tsis xav kawm hnub ntawd vim nws ntxhov siab los Maiv Xis tseem khuvleej nws li cas?

• Thaum Iab qhia tias nws lub neej ntxhov hnyo xwb los Maiv Xis tseem khuvleej nws li cas?