Phau Vajlugkub qhia kom peb suav cov ntseeg uas laus lawd tam niam tam txiv, thiab cov hluas tam peb muam peb kwv peb tij. (Nyeem 1 Timautes 5:1, 2.) Cov kwvtij ntseeg yim huab yuav tau qhia tias lawv saib taus cov nkauj muam uas ntseeg.

Tsis zoo rau ib tug kwvtij ntseeg twg tawb thiab zeg ib tug nkauj muam ntseeg twg kom ua rau nws tsis fwm nyob. (Yauj 31:1) Yog ib tug kwvtij ntseeg twg tsis tau muaj poj muaj sev ces tsis txhob lam tso dag tso luag rau ib tug nkauj muam ntseeg twg uas tsis muaj txiv, yog nws tsis muaj siab tiag.

Yog ib tug nkauj muam ntseeg twg qhia tej yam hauv lub koom txoos rau cov txwj laus paub, los lawv yuav tau tig ntsej mloog. Cov txwj laus yuav tau saib cov nkauj muam ntseeg uas tsis muaj cuab muaj yig tej lus rau nqi thiab.​—Luv 2:8, 9.

SAIB ZAJ YEEB YAJ KIAB YEEJ MEEM HLUB COV NTSEEG YEHAUVAS​—COV POJ NTSUAM THIAB MENYUAM NTSUAG. TOM QAB SAIB TAG, TEB COV LUS NUG NO:

• Cov ntseeg hmov tshua tus muam Mai-ees (Myint) lawv li cas?

• Qhov uas cov ntseeg hmov tshua tus muam Mai-ees lawv, ua tau yam ntxwv qhia tej neeg zej zog li cas?

• Cov ntseeg hmov tshua tus muam Mai-ees lawv, pab tau nws ob tug ntxhais li cas?

Koj ua tau tej yam twg los qhia tias koj hmov tshua cov nkauj muam ntseeg hauv koj lub koom txoos?