Povlauj sau ntawv rau Titau kom nws thiab cov tub hluas “xyaum ua tus yam ntxwv zoo rau txhua fab.” (Tit. 2:6, 7) Povlauj hais ntxiv tias Yehauvas twb cia Yexus los tuag txhiv peb kom peb thiaj “kub siab lug ua haujlwm zoo.” (Tit. 2:14) Ib tes haujlwm zoo ntawd yog tshaj tawm thiab qhia tibneeg txog Vajtswv lub Nceeg Vaj. Yog koj yog ib tug hluas, koj ua puas tau ib tug pab tho kev lossis ib tug tho kev?​—P.L. 20:29.

Yog tias koj xav ua ib tug tho kev, muab xav zoo zoo ua ntej seb koj yuav ua li cas koj thiaj ua tau. (Lk. 14:28-30) Xws li, koj yuav khwv noj khwv haus li cas thiaj txaus pab rau koj ua ib tug tho kev. Koj kuj yuav tau muab xam seb koj yuav npaj li cas koj thiaj ncav tau koj cov sijhawm txhua lub hlis. Zoo rau koj thov Yehauvas txog tej uas koj npaj siab xav ua. (Nt.Nk. 37:5) Tsis tas li ntawd xwb, kuj zoo rau koj nrog koj niam koj txiv lossis cov uas twb tho kev tau ntev lawd tham. Rau siab ntso npaj kom koj ncav cuag koj lub hom phiaj. Yehauvas yeej yuav foom koob hmoov rau qhov uas koj mob siab ua nws tes haujlwm!

SAIB ZAJ YEEB YAJ KIAB COV HLUAS HWM YEHAUVAS, TOM QAB NTAWD TEB COV LUS NUG NO:

• Ib txhia tau ua li cas lawv thiaj ua tau ib tug tho kev?

• Cov niam txiv yuav txhawb kom lawv cov menyuam ua ib tug tho kev li cas?

• Vim li cas ho zoo rau yus teem sijhawm ua ntej yuav mus tshaj tawm?

• Cov nyob hauv lub koom txoos yuav ua li cas thiaj txhawb thiab pab tau cov tho kev?

• Cov uas tho kev yuav txais tej koob hmoov twg?