Nyob rau lub 11 Hlis ntuj peb yuav muaj ib txojkev tshaj tawm tshwj xeeb uas qhia tias lub qab ntuj tshiab twb los yuav txog. (Phau Ntawv Nkauj 37:10, 11; Tshwmsim 21:3-5) Npaj seb koj yuav ua li cas thiaj lauj tau sijhawm los ua tes haujlwm no. Yog koj pab tho kev rau lub hlis ntawd es xav tshaj tawm 30 lossis 50 txoos teev xwb los yeej tau.

Npaj ib nqe Vajlugkub qhia rau txhua tus txog lub ntiajteb tshiab. Xaiv ib nqe uas hais kom raug siab rau cov uas nyob hauv koj koog. Yog koj ntsib ib tug uas xav paub ntxiv ces muab Phau Tsom Faj Phau 2 Xyoo 2021 rau nws. Rov nrog nws tham sai li sai tau thiab muab phau ntawv me Nyob Kaj Siab Lug Mus Ib Txhis los qhia nws. Peb yuav muaj kev zoo siab heev yog tias peb qhia rau txhua tus txog lub qab ntuj tshiab!​—Yaxayas 52:7.

SAIB ZAJ YEEB YAJ KIAB NYOB HAUV LUB QAB NTUJ TSHIAB, TOM QAB SAIB TAG TEB COV LUS NUG NO:

• Tus menyuam ntxhais xav txog tej yam twg hauv lub qab ntuj tshiab?

• Koj tos ntsoov tej yam twg hauv lub qab ntuj tshiab?

• Yog tias koj ua tib zoo xav txog lub qab ntuj tshiab yuav npaj tau koj li cas mus tshaj tawm rau lub 11 Hlis?​—Lukas 6:45