Ib tug neeg ncaws pob yuav tsum niaj hnub xyaum nws thiaj txawj. Zoo ib yam li ntawd, peb yuav tsum xyaum tiag peb thiaj txawj cais qhov zoo ntawm qhov phem. (Henplais 5:14) Tej thaum peb pom lwm tus ua li cas ces peb cia li ua li lawv xwb. Tiamsis peb yuav tsum xyaum xav thiab txiav txim siab rau peb tus kheej vim txhua tus “nyias yuav tau qhia nyias zaj rau Vajtswv.”​—Loos 14:12.

Peb txhob xav tias peb twb ua kevcai raus dej ntev los lawm ces peb yuav txiav txim siab li cas los yeej yog tag. Yuav kom peb paub txiav txim siab zoo, peb yuav tsum cia Yehauvas, nws Txojlus, thiab nws lub koom haum cob qhia peb.​—Yausuas 1:7, 8; Pajlug 3:5, 6; Mathais 24:45.

SAIB ZAJ YEEB YAJ KIAB TXHOB CIA KOJ LUB SIAB ROV NKAUG KOJ, TOM QAB SAIB TAG TEB COV LUS NUG NO:

• Nkauj Iab yuav tau txiav txim siab txog dabtsi?

• Vim li cas ho tsis zoo rau peb hais kom lwm tus ua raws li peb xav?

• Ib khub niam txiv tau pab Nkauj Iab li cas?

• Nkauj Iab mus tshawb nrhiav kev pab qhov twg nws thiaj paub txiav txim siab?