LUB NEEJ KHIXATIA
Tej Yam Uas Pab Koj Paub Siv Phau Nyob Kaj Siab Lug Mus Ib Txhis
Koj puas nyiam tias phau Nyob Kaj Siab Lug Mus Ib Txhis muaj yeeb yaj kiab thiab lus nug? Tej yam xws li, “Ib Txhia Hais Tias,” “Koj Xav Xyaum Yam Twg” thiab “Tshawb Ntxiv” pab puas tau tus uas koj qhia? Phau ntawv no tseem muaj lwm yam ntxiv uas yuav pab tau koj ua Vajtswv tes hauj lwm thiab.—Mathais 28:19, 20.
Cov Yeeb Yaj Kiab: Yog koj siv kiag phau ntawv uas luam los qhia, koj yuav ua li cas thiaj mus nrhiav tau cov yeeb yaj kiab los saib? Mus rau koj lub twj thiab xaiv ntu uas koj tab tom qhia ces mus kom kawg nkaus rau hauv qab, rau qhov uas hais tias yeeb yaj kiab. Yog koj nias qhov ntawd, koj yuav pom tag nrho cov yeeb yaj kiab rau ntu ntawd. (Saib daim duab 1.)
Muab Hloov Kom Zoo Li Phau Luam Tawm (Printed Edition): Yog koj xav muab zaj uas koj qhia hauv koj lub twj hloov kom zoo kiag li phau luam tawm, es koj thiaj paub tias yuav qhia li cas thiaj raug lub ntsiab ces mus nias peb lub qe qaum nyob sab xis saum toj. Xaiv qhov uas hais tias “Printed Edition.” Yog xav muab hloov kom zoo li qub ces rov nias peb lub qe qaum dua thiab xaiv qhov uas hais tias “Digital Edition.”
“Koj Ua Puas Tau?”: Zaj no yog zaj yuav luag kawg ntawm Ntu 4 thiab qhia tias yuav tsum coj li cas thiaj mus tshaj tawm tau thiab ua tau kev cai raus dej. (Saib daim duab 2.)
Cov Lus Qhia: Cov lus no piav ntxiv txog tej yam tseem ceeb. Thaum nyeem tag, yeej muaj ib qho rov coj neb mus rau sab uas neb kawm. (Saib daim duab 2.)
Yog tus uas koj qhia rau siab kawm phau Nyob Kaj Siab Lug Mus Ib Txhis thiab ua kev cai raus dej ua ntej neb kawm tag los kav tsij qhia phau no kom tag rau nws. Txawm yog nws ua kev cai raus dej tag lawm los koj yeej tseem suav tau lub sij hawm uas koj mus qhia, thiab suav tau tias nws yog ib tug uas koj rov mus xyuas. Yog koj coj lwm tus tshaj tawm nrog koj mus qhia nws los lawv yeej suav tau lub sij hawm ntawd thiab.
