Zaj Nkauj 29
Muab Siab Npuab Vajtswv
(Ntawv Nkauj 26)
1. Tswv, thov tshuaj kuv, saib kuv lub siab npuab koj;
Saib qhov uas kuv tso siab, rau koj ib leeg tag nrho.
Thov tshuaj saib kuv, sim kuv lub siab kom thoob;
Kom kuv lub siab dawb paug, tau txais koj tej koob hmoov.
(TXAIS)
Tiamsis ntawm kuv, Kuv txiav txim siab tuag nthi
Tias yuav npuab siab rau koj, Mus tas ib txhiab ib txhis.
2. Kuv tsis nyiam nrog, cov neeg dag zaum ua ke.
Cov uas ntxub txojkev tseeb, kuv yeej tsis nrog koom tes.
Thov txhob txo kuv, txojsia nrog cov limhiam;
Cov neeg siab nkhaus ntxeev ntxias, thiab cov uas yuav nyiaj xiab.
(TXAIS)
Tiamsis ntawm kuv, Kuv txiav txim siab tuag nthi
Tias yuav npuab siab rau koj, Mus tas ib txhiab ib txhis.)
3. Kuv yeej ib txwm, nyiam nyob hauv koj lub tsev.
Koj txojkev pe hawm huv, kuv niaj hnub txhawb tsis tseg.
Thiab kuv yuav ncig, yuj yeev ntawm koj lub thaj,
Yuav hu nkauj ua koj tsaug, kom ib tsoom neeg hnov tag.
(TXAIS)
Tiamsis ntawm kuv, Kuv txiav txim siab tuag nthi
Tias yuav npuab siab rau koj, Mus tas ib txhiab ib txhis.
(Rho ntawm Nt.Nk. 25:2.)
