1. Peb txhua tus qaug zog ntau yam

Vim peb zoo tsis tiav.

Txawm li ntawd los Yehauvas,

Tseem hlub tshua peb thiab.

Nws muaj kev khuvleej kawg;

Nws kev hlub loj tshaj plaws.

Cia peb xyaum nws txojkev hlub,

Pab cov uas nyuaj siab.

2. ‘Twg qaug zog es kuv tsis qaug?’

Povlauj tau sau cia.

Yexus cov ntshav txhiv sawvdaws,

Peb thiaj tau txojsia.

Vajtswv yuav cov qaug zog,

Nws pab lawv sawv ruaj khov.

Cia peb to taub lawv kev txhawj,

So lawv kua muag thiab.

3. Peb yuav tau nco rau nruab siab,

Txhob thuam cov qaug zog.

Yog peb muaj siab mos siab muag

Yuav txhawb lawv lub zog.

Cia peb rau siab ntso tiag,

Txhawb lawv kom kawg peb siab;

Yog peb muaj lub siab dawb pab,

Kev nplig lawv yuav pom.