1. Tswj lub siab, koj thiaj tau txojsia;

Zam txojkev mus ua txhaum.

Vajtswv pom thiab paub neeg lub siab,

Nws saib tus neeg sab hauv.

Tej lub sijhawm lub siab yuav ntshaw,

Yuav rub tau yus yuam kev.

Yog li yuav tsum ua neeg thoob tsib,

Taug nraim Vajtswv txojkev.

2. Npaj koj lub siab los nrhiav Vajtswv

Muaj lub siab kub lug thov.

Los ua nws tsaug tsis tseg tsis tu;

Qhia lub siab rau nws hlo.

Tej uas Yehauvas qhia rau peb

Yuav tsum mloog txhua lo lus.

Cia li kho lub siab kom ncaj ncees,

Ua haum nws siab txhua hnub.

3. Tiv thaiv lub siab txhob xav qhov phem;

Xav txog tej yam uas tseeb.

Cia Nws Txojlus poob hauv koj siab,

Thiaj txhawb koj sawv ruaj nreeg.

Yehauvas yeej hlub cov ncaj ncees;

Qhov no peb tso siab nthi.

Cia li pe hawm nws kawg siab ntsws

Ua nws phoojywg ib txhis.