1. Peb Txiv Yehauvas, tus peb tsim nyog qhuas,

Aub, peb tus Vajtswv thov cia peb los cuag.

Peb txhos caug rau koj, Tus mloog peb tej lus,

Tos rawv koj ua tus tsom kwm peb txhua tus.

Peb niaj hnub ua txhaum vim yog peb qaug zog;

Peb thiaj nrhiav txojkev zam txim los ntawm koj.

Koj Leej Tub cov ntshav koj tau muab txhiv peb.

Peb zoo siab hlo ua li koj tau qhia tseg.

2. Cov uas koj caw yog cov zoo siab tshaj plaws

Rau qhov lawv tuaj kawm txog koj tej lus nkaw.

Thov cia koj Txojlus coj peb txoj hau kev.

Peb xav nyob mus li hauv koj lub tuam tsev.

Koj txhais tes uas muaj zog loj zog nchav heev,

Txhawb tau koj cov tub qhe nyob sawv ruaj nreeg.

Koj yog tus cawm peb dim, peb thiaj li qhia

Tias lub Nceeg Vaj yeej yuav kav ib txhis tiag.

3. Thov koj tig pab kom neeg muaj kev xyiv fab;

Thov txhua tus los paub koj kev pe hawm tshab.

Koj lub Nceeg Vaj tej haujlwm zoo txaus qhuas,

Yuav tshem tawm kev mob, kev tuag, kev quaj ntsuag.

Thaum koj Leej Tub tshem kev limhiam tag nrho;

Ib puas tsav yam koj tsim qw zoo siab hlo.

Cia peb tsa suab hu nkauj ua Vajtswv tsaug:

“Qhuas Yehauvas, tus Vajntxwv zoo kawg nkaus!”