Zaj Nkauj 146
Nej Ua Rau Kuv
-
Yexus muaj lwm pab yaj raws nraim nws tus nkauj nyab,
Tus nkauj nyab yuav nrog nws kav nyob puag saum ntuj.
Tswv Yexus yeej pom tej
uas peb pab cov xaiv tseg.
Nws suav tias peb tes haujlwm yeej muaj nuj nqes.
(TXAIS)
“Tej uas nej ua rau lawv, yog nej ua rau kuv.
Qhov uas nej txhawb tau lawv, yog nej txhawb tau kuv.
Nej pab lawv li cas los twb yog nej pab kuv.
Tej nej ua rau lawv, yog nej ua rau kuv.
Tej uas nej ua rau lawv, yog nej ua rau kuv.”
-
“Thaum kuv tshaib thaum kuv nqhis nej tsis pub tu pluas li
tsis muaj ib yam dabtsi uas kuv tu ncua li.”
Lawv yuav nug tus Tswv Yaj tias,
“Peb pab koj thaum twg?”
Vajntxwv mam li teb kiag rau lawv li no xwb:
(TXAIS)
“Tej uas nej ua rau lawv, yog nej ua rau kuv.
Qhov uas nej txhawb tau lawv, yog nej txhawb tau kuv.
Nej pab lawv li cas los twb yog nej pab kuv.
Tej nej ua rau lawv, yog nej ua rau kuv.
Tej uas nej ua rau lawv, yog nej ua rau kuv.”
-
“Nej muab lub siab npuab kuv, ua tes haujlwm dawb huv,
nrog kuv cov kwvtij tshaj txoj xov zoo nrov ncha.”
Tus Tswv Yaj yuav hais rau
cov yaj ntawm nws sab xis:
“Los txais hlo tej nqe zog uas yeej yog nej li.”
(TXAIS)
“Tej uas nej ua rau lawv, yog nej ua rau kuv.
Qhov uas nej txhawb tau lawv, yog nej txhawb tau kuv.
Nej pab lawv li cas los twb yog nej pab kuv.
Tej nej ua rau lawv, yog nej ua rau kuv.
Tej uas nej ua rau lawv, yog nej ua rau kuv.”
(Rho ntawm P.L. 19:17; Mth. 10:40-42; 2Tmt. 1:16, 17.)
