1. Ua lub neej nyob rau lub qab ntuj tshiab,

Yuav tsis muaj tej kev phem thiab txojkev limhiam,

Yuav muaj txojkev kaj siab.

Koj puas pom sawvdaws nyob ua si ib ke.

Txhua tus sib koom siab tu lub ntiajteb.

Sawvdaws coj raws li Yehauvas cov lus mus,

“Txog thaum lub hli tsis muaj lawm,”

Yog lub neej peb niaj hnub niaj hmo tos rawv.

Thaum nws Leej Tub kav,

Yuav pom Vajtswv txojkev hlub,

Nyob hauv lub qab ntuj tshiab.

2. Koj puas tau xav txog rau hauv nruab siab

Hais tias koj yuav ua tsev nyob qhov twg los yeej zoo,

Nyob nram tiaj los saum roob.

Koj twb tos tus koj hlub tshua los ntev,

Neb thiaj rov sib ntsib tim ntsej.

Nws cev tes loo tuaj puag nkaus koj,

Neb ob leeg sib qawg quaj,

Vim neb sib ncaim ntev heev thiaj li rov sib cuag.

Kev tuag tav tsis tau,

Vajtswv txojkev hlub,

Nyob hauv lub qab ntuj tshiab.