ZAJ NKAUJ 126
Ceev Faj Zov, Sawv Ruaj Nreeg, Ruaj Khov
(1 Khaulee 16:13)
-
1. Ceev faj zov, sawv ruaj nreeg, ruaj khov,
Txiav txim siab hlo thev mus tiag.
Ua siab loj siab tuab rau siab ntso,
Peb yuav yeej ntsuj rog no kiag.
Peb mloog Yexus Khetos tej kevcai,
Tuaj nws tog, sawv ruaj nreeg, tsis txhob ntshai.
(TXAIS)
Ceev faj zov, sawv ruaj nreeg thiab ruaj khov!
Rau siab ntso mus txog thaum kawg!
-
2. Ceev faj zov, es tsis txhob tsaug zog,
Tos nrhw mloog txhua lub sijhawm.
Tig ntsej mloog Khetos tej lus qhia
Los ntawm tus qhev ncaj ntse kawg.
Mloog tej lus qhuab ntuas ntawm cov laus neeg,
Cov tiv thaiv pab yaj thiab txhawb qhov tseeb.
(TXAIS)
Ceev faj zov, sawv ruaj nreeg thiab ruaj khov!
Rau siab ntso mus txog thaum kawg!
-
3. Ceev faj zov, sib koom siab ua ke
Txoj xov zoo peb tshaj thiab txhawb.
Txawm peb cov yeeb ncuab tawm tsam los,
Peb yuav tshaj mus txog thaum kawg.
Nrog ib tsoom tsa suab qhuas thoob ntiajteb.
Yehauvas hnub tseem ceeb twb los ze!
(TXAIS)
Ceev faj zov, sawv ruaj nreeg thiab ruaj khov!
Rau siab ntso mus txog thaum kawg!
(Rho ntawm Mth. 24:13; Hnpl. 13:7, 17; 1Pt. 5:8.)
