ZAJ NKAUJ 3
Peb Qhov Chaw Vam Khom
(Paj Lug 14:26)
-
1. Au Yehauvas, peb nco koj txiaj ntsig
rau peb txojkev cia siab,
Txojkev cia siab uas zoo tshaj plaws
peb thiaj xav muab tshaj tawm.
Tiamsis kev ntxhov siab txo peb lub zog
thiaj ua rau peb ntaus siab yau.
Txawm peb ib txwm kub siab lug los
nimno peb cia qaug zog.
(TXAIS)
Koj yog peb lub dag zog
peb tso siab rau koj.
Peb tu ncua yam twg, koj pub hlo.
Thaum peb qhia, thaum peb tshaj,
peb tso siab rau koj.
Koj yeej yog peb lub chaw vam khom.
-
2. Tswv Yehauvas, thov pub lub siab tshiab
xwv peb thiaj nco ntsoov koj.
Koj yeej yog tus txhawb siab txhua yam
rau thaum tsis muaj chaw vam.
Vim muaj koj los cob qhia peb lub neej
peb yuav sawv ruaj khov ruaj nreeg
Rov qab muaj siab, rov kub siab lug
tshaj koj npe rau txhua tus.
(TXAIS)
Koj yog peb lub dag zog
peb tso siab rau koj.
Peb tu ncua yam twg, koj pub hlo.
Thaum peb qhia, thaum peb tshaj,
peb tso siab rau koj.
Koj yeej yog peb lub chaw vam khom.
(Rho ntawm Nt.Nk. 72:13, 14; P.L. 3:5, 6, 26; Ylm. 17:7.)
