Peb vam thiab cia siab tias xyoo 2023, peb thiab peb tsev neeg yuav tau txais ntau yam zoo. Vim li cas peb thiaj cia siab li no?

 Phau Vajlugkub muaj xov zoo rau peb. Phau Vajlugkub qhia tias tej teeb meem peb muaj niaj hnub nim no tsuas yog ib vuag xwb twb yuav dua mus. Phau Vajlugkub yog “sau los qhuab qhia peb. . . peb thiaj muaj chaw vam rau yav tom hauv ntej.”—Loos 15:4.

•   Yog xav paub ntxiv seb phau Vajlugkub tau cog tseg li cas, mus nyeem zaj “A Real Hope for a Better Tomorrow.”

 Txoj kev vam kev cia siab hauv phau Vajlugkub zoo ib yam li “tog hlau nres nkoj uas ruaj thiab tso siab tau uas tuav tau peb” txoj sia. (Henplais 6:19) Txoj kev vam kev cia siab ntawd yuav pab kom peb thev taus peb tej teeb meem niaj hnub nim no, kom peb muaj cwj pwm zoo, thiab kom peb muaj kev kaj siab mus ib txhis. Xws li:

•   Mus saib zaj yeeb yaj kiab Dhuav Kuv Lub Neej Dhau Lawm seb txoj kev cia siab hauv phau Vajlugkub pab tau ib tug txiv neej uas quav dej quav cawv li cas.

•   Mus saib zaj yeeb yaj kiab Nplig Cov Quaj Ntsuag seb txoj kev cia siab hauv phau Vajlugkub pab tau peb li cas thaum ib tug peb hlub tshua tau tag sim neej.

 Coob leej ntau tus yeej xav tau qhov zoo tiam sis lawv yeej tsis paub tias xyov puas yuav muaj raws li lawv vam thiab cia siab ntawd. Tiam sis txoj kev vam kev cia siab hauv phau Vajlugkub tsis zoo li ntawd. Yog vim li cas? Rau qhov cov lus cog tseg hauv phau Vajlugkub yog Vajtswv Yehauvas a ua tus hais thiab “nws yeej tsis dag li.” (Titus 1:2) Yehauvas tib leeg xwb thiaj muaj hwj chim ua raws li nws tau cog tseg, thiab “nws ua tau txhua yam raws li nws lub siab nyiam.”​—Phau Ntawv Nkauj 135:5, 6.

 Peb xav kom koj muaj txoj kev vam kev cia siab hauv phau Vajlugkub. Yog koj “kawm Vajtswv txojlus” ces koj yeej yuav cia siab tias tej lus cog tseg hauv phau Vajlugkub yeej yuav muaj tiag. (Tes Haujlwm 17:11) Yog koj xav kawm, kav tsij cia ib tug tuaj qhia koj. Peb vam thiab cia siab tias xyoo 2023 yuav yog ib xyoos zoo heev rau koj!