Tib neeg nyob thoob ntiaj teb khwv tsis txaus noj txaus haus, thiab txoj kev khwv noj khwv haus yim huab nyuaj zuj zus tuaj xwb.

•   Nyuam qhuav no muaj ib zaj xov xwm hais tias, a “tej nyiaj uas tib neeg khwv tsis muaj nqis npaum li tej khoom uas lawv yuav lawm.” Zaj xov xwm no kuj hais ntxiv tias yog kev khwv noj khwv haus pheej tsis hloov ces “cov nplua nuj yuav muaj nyiaj siv hos cov txom nyem yim huab yuav txom nyem thiab yuav muaj ntau yim neeg ua neej txom nyem ntsuav tshaj yam tag los.”

 Ua li tej nom tej tswv puas yuav muaj peev xwm kho tau kev txom nyem nyiaj txiag?

 Phau Vajlugkub qhia tias yuav muaj ib lub tseem fwv uas yuav kho tau kev txom nyem nyiaj txiag thiab yuav pab kom sawv daws muaj vaj huam sib luag. ‘Vajtswv tus uas nyob saum ntuj yuav tsa ib lub teb chaws uas yuav nyob mus tsis paub kawg li.’ (Daniyees 2:44) Tsuas muaj tib lub tseem fwv uas yuav kho tag nrho tej teeb meem hauv lub ntiaj teb no xwb. Thaum Vajtswv lub tseem fwv kav lawm, txhua tus yuav tsis txom nyem. (Phau Ntawv Nkauj 9:18) Vajtswv lub Nceeg Vaj yuav ua kom txhua tus pej xeem muaj kev zoo siab. Lawv txhua tus tsis yog khwv tag dawb tag do xwb, tiam sis lawv yuav txaus siab rau txhua yam uas lawv txhais tes ua tau.—Yaxayas 65:21, 22.