Zaj 221

Cov Hluas! Xyaum Lawv Txojkev Ntseeg

(Henplais 6:12)

1. Xamuyee mus nyob Silau thaum tseg taus mis

Mus pab Vajtswv lub tuam tsev txog nws hlob li.

Nws hlob los ua tus cev lus hauv Yixayee,

Thiab ua tus tseem Naxi hwm Vajtswv ruaj nreeg.

Tus Pov Thawj Eli muaj ob tug tub ua phem.

Nkawd kev phem puas ua rau Xamuyee yuam kev?

Xamuyee ntseeg ruaj nreeg; mloog nraim Vajtswv lus.

Nws yeej yuav tsis khiav tawm ntawm Yehauvas mus.

2. Tus tub hluas Timaute kuj tau hlob tuaj mus

Ua ib tug txwj laus; paub zoo txog Vajlugkub.

Nws yeej xyaum ua txhua yam uas nws tau kawm los.

Nws txojkev ntseeg ruaj yog nws tshawb nrhiav tas zog.

Nyob hauv nws lub koom txoos nws yeej nto moo heev,

Sawvdaws qhuas hais tias nws yog ib tug zoo neeg.

Nws thiaj muaj txoj hmoo tau nrog Povlauj ncig mus;

Nws tes haujlwm coj tau koob hmoov rau txhua tus.

3. Cov ntxhais hluas, nco ntsoov tus ntxhais Yixayee nawb

Nws kev ntseeg Yehauvas zoo npaum lub hlaws dawb.

Txawm raug ntes lawm los, nws tuav rawv txojkev ntseeg;

Nws kub siab npuab Vajtswv pab tau lwm tus neeg.

Nws thiaj hais rau Na-amas tus pojniam txog:

‘Yehauvas tus cev lus tseeb thiaj li txawj kho.’

Cov Xilia tus thawj rog thiaj txiav txim siab mloog.

Nws tau koob hmoov, yog tus ntxhais tej haujlwm zoo.

4. Ib tsoom tub ntxhais hluas, peb txhob nej txhua txhia tus

Kom yoog cov yam ntxwv uas zoo muaj tseeb no mus.

Peb muaj kev tso siab loj nyob rau lub tiam kawg.

Yehauvas twb xaiv tseg tus nws yuav txib tawm.

Li ntawd, nej txhua tus hluas, cia li los tawm tsam

Nrog Vajtswv cov tub qhe uas nyiam ua qhov ncaj.

Cia li tshaj tej lus ceeb toom thiab qhuas nws mog

Ces hnub kawg sawvdaws yuav tau txais tej nqe zog.