Zaj 32

Lub Tsev Rau Tsev

(Tubtxib Tes Haujlwm 20:20)

1. Lub tsev rau tsev, lub rooj rau rooj,

Peb qhia Vajtswv Txojlus.

Lub zos rau zos, daim teb rau teb,

Vajtswv cov yaj peb pub.

Txoj xov zoo tias Vajtswv sawv kav,

Uas Yexus tau hais tseg,

Cov ntseeg tus laus tus hluas tabtom

Muab tshaj tawm thoob ntiajteb.

2. Lub tsev rau tsev, lub rooj rau rooj,

Peb ceeb toom txojkev dim.

Cov tuav Yehauvas lub npe hu

Thiaj yog cov uas yuav dim.

Tiamsis lawv yuav ua li cas hu

Tus uas lawv twb tsis paub?

Li ntawd txhua lub tsev txhua lub rooj

Peb yuav tau mus qhia rau.

3. Tsis yog txhua txhua lub qhov rooj es

Neeg yuav cuab pob ntseg mloog;

Tej thaum muaj cov cem taw tes nki

Thiab cov uas tsis kam mloog.

Yexus lub caij los zoo tib yam;

Tsis yog txhua tus yuav hnov.

Nws tias nws cov yaj paub nws suab;

Li ntawd tsis nkim peb zog.

4. Cia peb mus lub qhov rooj rau lub

Mus qhia txog txoj xov zoo.

Txawm lawv yuav xaiv los ua dabtsi

Los nyob ntawm lawv pom zoo.

Tsuav yog peb qhia Yehauvas lub

Npe thiab nws qhov tseeb nrog.

Thaum mus ib lub qhov rooj rau lub,

Nws cov yaj yuav nyob tos.