Zaj 77

Yehauvas Yog Kuv Tus Tswv Yaj

(Ntawv Nkauj 23)

1. Yehauvas yog kuv tus Tswv Yaj;

Ua cas kuv thiaj ntshai thiab tshee?

Vim nws saib xyuas nws cov yaj zoo tsis

Pub ib tug ploj los poob li.

Nws coj kuv rau tej dej ntsiag to,

Kuv lub cev rov muaj zog zis.

Nws coj kuv mus kev vim nws lub npe

Taug txojkev uas zoo ncaj ncees.

Nws coj kuv mus kev vim nws lub npe

Taug txojkev uas zoo ncaj ncees.

2. Txawm yog kuv taug txojkev tsaus ntuj

Kuv mus, kuv yuav tsis ntshai li,

Vim kuv tus Tswv Yaj nyob nrog nraim kuv;

Nws tus pas nrig hwj kuv ntshis.

Nws muab roj los hliv kuv taubhau;

Kuv lub khob nws ntim puv nkaus.

Nws txojkev hlub nrog nraim kuv tas zog,

Nws tsev yog kuv qhov chaw nkaum.

Nws txojkev hlub nrog nraim kuv tas zog,

Nws tsev yog kuv qhov chaw nkaum.

3. Kuv tus Tswv Yaj uas muaj tswvyim!

Kuv luag ntxhi hu nkauj qhuas nws.

Nws txojkev hlub uas nrov nto moo lug

Kuv coj rau cov yaj txhua tus.

Nws Lo Lus kuv yuav coj raws nraim,

Nws txojkev kuv ua zoo mus.

Txoj hmoov zoo uas kuv tau los hawm nws

Kuv yuav nco ntsoov txhua txhua hnub.

Txoj hmoov zoo uas kuv tau los hawm nws

Kuv yuav nco ntsoov txhua txhua hnub.