Koj cov menyuam xav tau dabtsi ntawm koj? Lawv xav kom koj hlub lawv, cob qhia lawv, thiab tiv thaiv lawv, puas yog? Tiamsis yam uas tseem ceeb tshaj yog qhov uas koj qhia Vajlugkub rau lawv kom lawv paub qhov tseeb txog Vajtswv Yehauvas. (Yauhas 17:3) Thaum lawv tseem yau pib qhia Vajlugkub rau lawv, lawv thiaj paub hlub Yehauvas thiab npuab siab rau nws.​—Mathai 21:16.

Thaum cov niam txiv qhia menyuam yaus, lawv pom tias yuav tsum qhia kom yoojyim thiab qhia tsawg, menyuam thiaj khaws tau lub ntsiab. Yog li ntawd, peb thiaj npaj phau ntawv hu ua Kuv Kawm Phau Vajlugkub, los pab cov niam txiv qhia lawv cov menyuam. Txhua zaj hauv phau ntawv no yoojyim heev. Cov lus thiab cov duab phim qhia cov menyuam muaj 3 xyoos rov hauv. Hauv qab txhua zaj, muaj lus taw qhia seb yuav kawm ntxiv li cas. Phau ntawv no tsis yog lam luam rau menyuam saib ua si xwb. Zoo rau koj nyeem phau ntawv no rau koj cov menyuam mloog. Yog tias koj ua li no, yuav pab koj tsev neeg sib raug zoo thiab muaj kev txuas lus.

Peb tso siab tias phau ntawv no yuav pab tau koj qhia qhov tseeb rau koj cov menyuam thaum lawv tseem “yau.”​—2 Timaute 3:14, 15.

Nej cov kwvtij,

Pab Uas Ntaus Thawj Ntawm Yehauvas Cov Timkhawv