Koj Yuavtsum Ualicas?

50 Koj puas xav nyob mus ibsis hauv lub vaj kajsiab ua zoo zoo nkauj ntawd?

Yog lintawd kj yuavtsum kawm kom paub ntxiv txog Vajtswv cov lus. Xyaum kawm thiab nyeem phau Vajlugkub. (Yauhaa 17:3; Tshwmsim 1:3)

51 Kawm kom paub txog Yexu ntau ntxiv mus. (Kevcai Dua 18:18, 19; Yauhaa 3:16; Tej Num 3:19-23)

52 Xyaum ua txoj zoo xwb thiab mloog Yehovaj lus. (Hlaubmam [Loo] 6:17, 18, 22)

 53 Nco ntsoov, Yehovaj haistias peb yuavtsum tsis txhob tua neeg. (Tsiv Tawm 20:13; 1 Yauhaa 3:11, 12)

54 Peb yuavtsum tsis txhob muab luag lwm tus li. (Tsiv Tawm 20:15; Efexaum 4:28)

55 Tus txivneej yuavtsum tsis txhob nyob thiab pw nrog tus pojniam, yuavtsum yog yus tus mas thiaj tau. (Tsiv Tawm 20:14, 17; 1 Texalonikam 4:3)

56 Koj puas ncoqab tias Vajtswv cia tus txivneej yuav puastsawg tus pojniam xwb? Tus txiv yuavtsum nrog tus niam nyob ntev npaum licas? (Chivkeeb 2:22, 24; Mathaij 19:5, 6; 1 Koleetaum 7:2, 10, 11)

 57 Thiab nco ntsoov tias peb yuavtsum teevtiam hawm Yehovaj ibleeg xwb. (Mathaij 4:10; 1 Koleetaum 8:6)

58 Cov mlom thiab duab yuav pab peb tsis tau. Yog vimlicas? (1 Koleetaum 8:4)

Puas yuav zoo yog peb muaj mlom? (Kevcai Dua 27:15; 1 Yauhaa 5:21)

59 Vimlicas txoj kev khi hlua thiab ua neeb thiajli phem? (Kevcai Dua 18:10-13; Tshwmsim 21:8)

60 Cov tub txib phem lossis cov dab timtswv ntuj tau ntxeev siab rau Vajtswv. Lawv siv cov neeg txawj saibyaig ntxais neeg yuam kev. (Tej Num 16:16)

 61 Peb yuavtsum muaj lolus thov txog Vajtswv. Kev thov yog kev nrog Vajtswv haislus, hais kom nws paub kev pab ntawm nws. (Filipis 4:6, 7)

62 Peb yuavtsum mloog Yexu lus thiab ntseeg nws. (Hevwj [Heplais] 5:9; John 3:16)

63 Nco ntsoov cia tias nws tau tuag cawm peb. (Hlaubmam 5:8)

 64 Nco ntsoov tias Yexu yog peb tus Huabtais uas qhovmuag tsis pom. Peb yuavtsum mloog nws lus. (Filipis 2:9-11; Tshwmsim 19:16)

 65 Yexu tau haistias koj yuatsum hais qhia luag lwm tus txog zaj zoo uas koj tabtom kaum thiab tus uas xav ua Vajtswv cov tub teevtiam yuavtsum ua kevcai rausdej. (Mathaij 28:19, 20; Yauhaa 4:7-15)

66 Yog lintawd koj muaj peevxwm qhia koj cov phoojywg txog yam zoo no. (Mathaij 10:32)

67 Yog koj kawm nyeem ntawv kom tshab tshab, koj yuav kawm tau ntau yam thiab yuav pab lwm tus tau zoo dua. (2 Timotiam 2:15)

 68 Yexu qhia cov menyuam yaus kom mloog Vajtswv lus thiab. Nws tsis ua tus neeg uas muaj haujlwm ntau es yuav tsis muaj sijhawm nrog lawv tham. (Mathaij 19:13-15)

69 Cov niam thiab txiv yuavtsum tsis tu ncua qhia lawv cov menyuam kom mloog Vajtswv lus, thiab hlub Vajtswv. (Kevcai Dua 6:6, 7; Pajlug 6:20-22; Efexaum 6:4)

70 Muaj ntau yam kev ntseeg. Ntau yam nqi kev qhia lawv tsis muab hauv phau Vajlugkub los. Yehovaj qhia kom peb tso cov kev ntseeg ntawd cia rau qhov lawv tsis qhia qhov tseeb. (Tshwmsim 18:4; Yauhaa 4:23, 24)

 71 Yehovaj muaj nws cov neeg hauv ntiajteb no yuav muaj peevxwm qhia koj tau ntau ntau hais txog nws. Koj puas paub lawv yog cov twg? (Tej Num 15:14; Hlaubmam [Loo] 10:14, 15)

72 Lawv yog Yehovaj cov Timkhawv. Lawv muaj kev sib thajyeeb zoo. Koj puas paub tias yog vimlicas? Vim tias lawv txawj sib hlub. (Yasayab 43:10-12; Yauhaa 13:34, 35)

73 Thiab vim tias lawv hlub Yehovaj, lawv tau ua kevcai rausdej. Qhovno tau qhia rau sawvdaws paub tias lawv tau tso lawv lub neej phem cia, ces lawv los siv lawv lub neej teevtiam Vajtswv. (Tej Num 2:41)

 74 Yehovaj cov Timkhawv cia siab tias lawv yuav tau nyob rauhauv lub vaj kajsiab tshiab uas zoo zoo nkauj. (Zaj Nkauj 37:9-11, 29)

Koj yuavtsum ualicas thiaj yuav tau nrog lawv nyob? (Yakauvaum 1:22, 25; 2:20-26)

75 Koj yuavtsum nrog lawv ua ibpab mus xyaum los teevtiam Yehovaj. Lawv hlub thiab mloog Yehovaj thiab Yexu Khetos lus. Ua koj puas hlub nkawd thiab? Ua koj puas kam pab lwm tus kom paub txog Vajtswv? (Yauhaa 6:45-47)

 76 Yehovaj thiab Yexu Khetos hlub koj thiab xav kom koj tau txojsia ntev dhawv nyob rauhauv lub vaj kajsiab. (Yauhaa 3:16)

Qhov uas koj tau kawm losntawm cov duab thiab cov txujci nyob hauv phau ntawv meme no muaj tseeb yuav ua tau rau koj nyiam tsosiab lug uaneej nyob rauhauv lub ntiajteb no mus tsis muaj hnubkawg. Yog tias koj xav kawm kom paub ntxiv txog yamno, peb muab tswvyim rau koj mus tham nrog Yehovaj cov Timkhawv hauv nej lub nroog. Lossis koj sau ntawv, lossis kom lwm tus sau rau koj, rau lub teem txwv uas nyob ze koj nyob, uas qhia qhovchaw nyob rauhauv sab nploog ob hauv phau ntawv meme no.