Zaj Kawm 12

Saib Taus Txojsia Thiab Ntshav

Peb saib txojsia li cas? (1) rho menyuam nruab thiab? (1)

Cov Khetias qhia tias lawv ua tib zoo txog kev kajsab? (2)

Tua tsiaj puas txhaum? (3)

Tej kev xyaum dabtsi uas saib tsis taus txojsia? (4)

Vajtswv txojcai rau ntshav li cas? (5)

Ua li qhov no puas xam txog kev txhaj ntshav? (6)

1. Yehau-vas yog tus Txhawv txojsia. Txhua yam ciaj sia tshuav nqe rau lawv txojsia ntawm Vajtswv. (Phau Nkauj 36:9, NW ) Txojsia yog ib yam dawbhuv rau Vajtswv. Txawm yog txojsia ntawm tus menyuam nruab thiab nyob hauv nws niam plab los muaj nqi heev rau Yehau-vas. Txhob txwm tua tej tug menyuam nruab thiab yog ib qho txhaum rau Vajtswv lub qhovmuag.​—Khiav Dim 21:22, 23, NW; Phau Nkauj 127:3.

2. Tseem Khetias yeej ua tib zoo txog kev kajsab. Lawv ua tib zoo xyuas kom lawv cov tsheb thiab tej vajtse nyob kajsab. (Kevcai 22:8, NW ) Vajtswv cov tub txib yeej tsis lam pheej hmoo lawv txojsia mus ua tej yam lom zem lossis kev zoo zoo siab. Li ntawd lawv tsis koom nrog tej kev ua si phem uas ua rau lwm tus raug mob. Lawv zam txojkev lom zem uas txhawb kom ua kev phem.​—Phau Nkauj 11:5, NW; Yauhas 13:35.

 3. Tsiaj txojsia kuj yog ib yam dawbhuv rau tus Tswvtsim. Tus Khetias tej zaum tua tau tsiaj ua zaub noj thiab ua ris tsho hnav lossis tiv thaiv nws tus kheej kom txhob muaj mob thiab xwm txheej. (Chivkeeb 3:21; 9:3; Khiav Dim 21:28, NW ) Tab sis nws yog ib qho txhaum yog tsim txom tej tsiaj lossis tua lawv ua si los yog ua kev lom zem.​—Paj Lug 12:10, NW.

4. Haus luam yeeb, zom peeb lab, thiab noj tshuaj ua kev lom zem tsis yog rau cov Khetias. Cov kev xyaum no phiv rau qhov (1) nws muab peb ua nws cov tub qhev, (2) nws ua mob rau peb lub cev, thiab (3) nws tsis huv. (Loos 6:19; 12:1; 2 Kaulinthaus 7:1, NW ) Nws yog ib qho nyuaj heev uas thum tseg tej kev xyaum no. Tab sis peb yuav tsum ua li kom haum Yehau-vas siab.

5. Ntshav los kuj yog ib yam dawbhuv rau Vajtswv lub qhovmuag. Vajtswv hais tias tus ntsuj, lossis txojsia, yog nyob rau cov ntshav. Yog li noj ntshav yog ib qho txhaum. Nws kuj yog ib qho txhaum yog noj tej nqaij tsiaj tsis tso ntshav pov tseg zoo. Yog tias ib tug tsiaj mag hlua zawm caj pas los yog mag ntxiab tuag, yuav tsum tsis txhob noj. Yog tias muab hmuv nkaug los yog xuas phom tua, yuav tsum muab cov ntshav tso sai sai tawm tamsim ntawd yog yuav noj.​—Chivkeeb 9:3, 4; Le-vis kevcai 17:13, 14, NW; Haujlwm 15:28, 29.

6. Txais ntshav txhaj puas yog ib qho txhaum? Nco ntsoov, Yehau-vas xav kom peb yuav tsum caiv ntshav. Qhov no pes tias peb yuav tsum tsis txhob yuav lwm tus neeg cov ntshav los yog peb cov ntshav muab tso khaws cia tseg es txhaj rov rau peb lub cev ib yam twg li. (Haujlwm 21:25, NW ) Li ntawd cov tseem Khetias yuav tsum tsis txhob txais kev txhaj ntshav. Lawv yuav txais lwm yam kev kho mob, xws li lwm yam kev txhaj uas tsis yog ntshav. Lawv xav ciaj, tab sis lawv yuav tsis sim cawm txojsia es ho txhaum Vajtswv txojcai.​—Mathais 16:25, NW.

[Duab nyob sab 25]

Ua haum Vajtswv siab, peb yuav tsum caiv kev txhaj ntshav, kev xyaum tsis huv, thiab tsis lam pheej hmoo rau peb txojsia