Zaj Kawm 6

Vajtswv Lub Nceeg Vaj Yog Dabtsi?

Vajtswv lub Nceeg Vaj nyob qhovtwg? (1)

Leejtwg yog nws tus Vajntxwv (2)

Puas muaj cov kav nrog tus Vajntxwv? Muaj no, yog pestsawg leej? (3)

Dabtsi qhia tias peb nyob rau hnub kawg? (4)

Vajtswv lub Nceeg Vaj yuav ua dabtsi rau neeg tom ntej? (5-7)

1. Thaum nws tseem nyob rau ntiajteb, Yexus tau qhia cov raws nws qab kom thov rau Vajtswv lub Nceeg Vaj. Lub Nceeg Vaj yog ib lub tseemfwv uas muaj ib tug Vajntxwv ua tus thawj coj. Vajtswv lub Nceeg Vaj yog ib lub tseemfwv tseem ceeb. Nws yog tsa muaj nyob saum ntuj thiab yuav kav lub ntiajteb no. Nws yuav daws, kom Vajtswv lub npe, dawb huv. Nws yuav ua kom Vajtswv tej num kom los tshwm nyob rau ntiajteb raws li tau muaj tshwm nyob saum ntuj.​—Mathais 6:9, 10, NW.

2. Vajtswv tau cog lus tias Yexus yuav los ua tus Vajntxwv ntawm nws lub Nceeg Vaj. (Lukas 1:30-33) Thaum Yexus nyob ntiajteb, nws tau ua povthawj qhia tias nws yuav yog ib tug Tswv kav zoo, ncaj, thiab zoo tiav txhua yam. Thaum nws rov qab mus saum ntuj, nws tsis tau sawv ua Vajntxwv ntawm Vajtswv lub Nceeg Vaj tamsim ntawd. (Henplais 10:12, 13) Nyob rau xyoo 1914, Yehau-vas tau muab lub hwjchim rau Yexus raws li uas Nws tau cog lus tseg. Txij thaum ntawd los, Yexus tau kav nyob saum ntuj raws li Yehau-vas tau tsa nws ua Vajntxwv.​—Danias 7:13, 14.

3. Yehau-vas kuj tau xaiv ib txhia txivneej thiab pojniam uas muaj kev ntseeg nrog nraim hauv ntiajteb no mus saum ntuj. Lawv yuav nrog Yexus kav ua cov Vajntxwv, cov txiav txim, thiab cov leej choj rau noob neej. (Lukas 22:28-30; Tshwm Sim 5:9, 10) Yexus tau hu cov nrog nws koom ua tswv kav rau nws lub Nceeg Vaj ua “pab tsawg.” Lawv muaj 144,000 leej xwb.​—Lukas 12:32, NW; Tshwm Sim 14:1-3.

4. Sai sai thaum Yexus tau los ua Vajntxwv, nws tau muab Xatas thiab nws cov tub timtswv phem tshem tawm saum ntuj los rau thaj tsam ntiajteb. Vim li ntawd thiaj li muaj txhua yam phem nyob rau ntiajteb no txij xyoo 1914 los. (Tshwm Sim 12:9, 12) Tsov rog, kev tshaib plab, kev mob nkeeg, kev tsis coj cai muaj ntau zuj zus tuaj​—tagnrho txhua txhua yam hais no yog ib feem ntawm lub “cim” qhia tias Yexus  twb kav lawm thiab txojkev coj noj coj ua twb nyob rau hnub kawg lawm.​—Mathais 24:3, 7, 8, 12; Lukas 21:10, 11, NW; 2 Ti-mautes 3:1-5.

5. Tshuav tsis ntev ces Yexus yuav txiav txim rau tib neeg, cais lawv xws li tus tswv yug yaj cais cov yaj thiab tshis. Cov “yaj” yog cov yuav tsum tau ua povthawj tias lawv tus kheej yog nws cov tsoom fwv mloog lus tuag siab nraim. Lawv yuav tau txais txojsia nyob mus ib txhis rau lub ntiajteb. Cov “tshis” yog cov uas tso tseg Vajtswv lub Nceeg Vaj. (Mathais 25:31-34, 46) Tsis ntev tom ntej, Yexus yuav tua povtseg tagnrho txhua tus zoo li tshis. (2 Thexalaunikes 1:6-9) Yog koj xav ua ib tug ntawm Yexus cov “yaj,” koj yuav tsum mloog tej xov xwm ntawm lub Nceeg Vaj thiab ua raws nkaus li tej koj kawm.​—Mathais 24:14.

6. Tamsim no lub ntiajteb tau faib ua ntau lub tebchaws. Nyias muaj nyias tus tseemfwv los yog nom tswv. Cov tebchaws no ib sij sib tua ib zaug. Tab sis Vajtswv lub Nceeg Vaj yuav pauv tagnrho tib neeg cov tseemfwv. Nws yuav yog tib lub nceeg vaj uas yuav kav thoob plaws lub ntiajteb. (Danias 2:44) Thaum ntawd thiaj yuav tsis muaj tsovrog, tubsab tubnyiag, thiab tsiv tsaim. Txhua txhua tus neeg yuav nyob uake muaj kev thajyeeb thiab sib haum xeeb.​—Maikhas 4:3, 4.

7. Thaum ib Txhiab Xyoo Kav los ntawm Yexus, cov tib neeg muaj siab ntseeg nrog nraim yuav zoo tiav, thiab tagnrho lub ntiajteb yuav tig rov ua lub vajkajsiab. Txog thaum kawg txhiab xyoo, Yexus yuav ua tau ib puas yam tsav raws li Vajtswv tau nug kom nws ua. Ces nws yuav muab lub Nceeg Vaj rov qab rau nws Txiv. (1 Kaulinthaus 15:24) Ua koj puas kam qhia rau koj cov phoojywg thiab cov txheeb ze uas koj hlub tej yam uas Vajtswv lub Nceeg Vaj yuav ua los?

[Duab nyob sab 13]

Nyob rau Yexus hnub los kav, yuav tsis muaj kev sib ntxub lossis kev sib ciav xeem li