Xav txog qhov no: Geoff muaj 17 xyoo. Nws mus kawm ntawv los txog tsev thiab nyuam qhuav tu tsev tas. Nws xav tias yuav tau zaum ib pliag saib this vis laub!

Nws los zaum kiag xwb, nws txiv txawm los hais npau taws vog tias:

Yog koj ne, koj yuav ua li cas thiaj zam dhau qhov teeb meem no?

Thaum koj nrog koj niam koj txiv tham, zoo ib yam li koj tabtom tsav tsheb. Yog muaj dabtsi thaiv kev lawm, koj yuav tsum lem rau lwm txojkev koj thiaj mus txog chaw.

 PIV TXWV:

Muaj ib tug ntxhais hu ua Leah hais tias: “Tej lub sijhawm nyuaj heev rau kuv nrog kuv txiv tham pem. Tej zaum kuv twb piav qhov teeb meem ntev loo rau nws los nws tseem hais tias ‘Koj hais dabtsi?’ ”

LEAH YUAV UA LI CAS XWB?

1. Nthe nws txiv.

   Leah qw tias: “Ua cas koj pheej tsis mloog kuv hais li!”

2. Tsis tas qhia nws txiv lawm.

   Leah xav tias qhia los nws tsis mloog, tsis muaj qabhau.

3. Tos zoo sijhawm tso, nws mam hais.

   Leah rov qab qhia nws txiv, lossis sau ntawv qhia qhov teeb meem rau nws txiv.

Koj yuav kom Leah ua qhovtwg?

NCO NTSOOV: Leah txiv muaj haujlwm, nws tsis paub tias Leah chim. Yog Leah ua raws li Qhov 1, nws txiv yuav tsis paub tias nws chim dabtsi thiab yuav tsis cuab pob ntseg mloog. Thiab yog Leah nthe nws txiv kuj yog nws saib tsis taus nws txiv lawm. (Efexau 6:2) Yog Leah ua li no yuav pab tsis tau leejtwg li.

Yog nws ua raws li Qhov 2, yoojyim heev tiamsis yuav tsis zoo. Yog nws xav kom nws txiv pab daws qhov teeb meem, nws yuav tsum qhia tias nws muaj teeb meem dabtsi. Yog nws tsis qhia, yuav kho tsis tau li.

Yog Leah ua raws li Qhov 3, qhia tias nws tsis cia ib yam dabtsi tav txojkev sib raug zoo nrog nws niam nws txiv. Nws tos zoo sijhawm nws mam rov qhia nws txiv. Yog Leah sau txog nws qhov teeb meem rau nws txiv, tej zaum yuav ua rau nws kaj siab tamsid thiab.

Yog sau ntawv, yuav qhia tau tej kev ntxhov siab ntxaws dua. Thaum nws txiv tau nyeem, nws yuav to taub zoo tias nws tus ntxhais muaj teeb meem dabtsi. Leah ua li ntawd yuav pab tau nkawd 2 leeg tibsi. Txawm nws sau ntawv thiab hais tim ntsej tim muag los, yog nws ua li qhov 3, nws yuav ua tau li phau Vajlugkub hais: “Cia peb huas qas ntshis ua tej uas ua kom muaj kev sib [haum] xeeb.”​—Loos 14:19.

Puas muaj lwm lub tswvyim pab Leah thiab?

Koj xav puas tau lwm lub tswvyim los pab nws? Yog nws ua raws li lub tswvyim ntawd, thaum kawg yuav zoo li cas.

Nco ntsoov tias tej zaum koj hais koj ib yam tiamsis koj niam koj txiv to taub lawm ib yam.

PIV TXWV:

Koj niam koj txiv nug tias puas yog koj nyuaj siab. Koj teb tias: “Tsis muaj dabtsi.”

Tiamsis yog koj hais li ntawd, koj niam koj txiv yuav xav tias koj tsis tso siab rau nkawd koj tsuas tso siab rau koj tej phoojywg xwb.

Muab xav li no, yus tabtom raug ib qho teeb meem loj. Yus niam yus txiv xav paub seb yuav pab yus li cas. Tiamsis yus hais rau nkawd tias: “Txhob txhawj txhawj, kuv paub lawm.”

• Tej zaum nkawd yuav xav li cas?

• Yus yuav tsum teb li cas thiaj zoo?