“Nej cov uas yog nws cov tub txib saum ntujʹe, nej cov uas [siab] loj siab tuab . . . nej cia li qhuas [Yehauvas].”​—Ntawv Nkauj 103:20

Cov tubtxib saum ntuj los qhovtwg los, thiab lawv coob npaum li cas?

• Yauj 38:4-7

  Ua ntej Yehauvas tsim lub ntiajteb thiab tsim tibneeg, nws twb xub tsim cov tubtxib nyob saum ntuj lawm.

• Qhia Tshwm 5:11

  Muaj tsheej plhom tus tubtxib saum ntuj.

• 1 Petus 1:11, 12

  Cov tubtxib yeej xav paub txog Yehauvas lub ntsiab rau lub ntiajteb.

• Luka 15:10

  Cov tubtxib yeej xav paub txog cov uas teev tiam Vajtswv.

“[Yehauvas] tus tubtxib saum ntuj zov vij rawv cov uas paub ntshai [Nws], thiab cawm kom lawv dim.”​—Ntawv Nkauj 34:7

Ua li cas peb ho paub tias cov tubtxib saum ntuj yeej pab tibneeg tiag?

• Chiv Keeb 19:15, 16; Daniyee 6:22; Luka 22:43; Tubtxib Tes Haujlwm 12:6-11

  Cov tubtxib tau pab Lauj, Daniyee, Yexus thiab Petus huvsi.

• Henplais 1:7, 14

  Niaj hnub no Yehauvas txib nws cov tubtxib saum ntuj los txhawb thiab tiv thaiv nws cov tibneeg.

“Xatas thiaj kov tsis yeej peb vim peb twb paub nws tej tswvyim phem lawm.”​—2 Khaulee 2:11

Cov dab yog leejtwg, thiab vim li cas peb yuav tsum ceev faj?

• Qhia Tshwm 12:9

  Ib tug tubtxib saum ntuj fav xeeb rau Yehauvas. Nws hu ua Xatas.

• Chiv Keeb 6:2

  Nyob rau Nau-a tiam, muaj lwm cov tubtxib fav xeeb rau Vajtswv thiab nqes los rau hauv ntiajteb.

• Mathai 9:34

  Cov tubtxib saum ntuj ntawd koom nrog Xatas fav xeeb rau Vajtswv, lawv thiaj tau los ua cov dab.

• Kevcai 18:10, 11

  Cov dab xav dag ntxias thiab tsim txom tibneeg.

“Cia li tawm tsam Ntxwg Nyoog, Ntxwg Nyoog thiaj li khiav ntawm nej mus.”​—Yakaunpau 4:7

Yehauvas yuav pab koj tawm tsam yeej Xatas thiab cov dab li cas?

• Tubtxib Tes Haujlwm 19:19

  Muab tej pov haum, tej pov khoos, tej hluas khi tes, thiab tej khoom pov siav pov tseg huv tibsi. Muab tej ntawv, tej duab, thiab tej nkauj uas txhawb kev teev dab pov tseg.

• Efexau 6:16, 18

  Kawm phau Vajlugkub koj thiaj muaj kev ntseeg thiab thov Vajtswv tiv thaiv koj.

• Paj Lug 18:10

  Tuav Yehauvas lub npe thov nws.