“Mloog kuv lus kuv thiaj ua nej tus Vajtswv thiab nej yuav ua kuv haiv neeg.”​—Yelemi 7:23

Koj puas ntaus tau phoojywg nrog Vajtswv?

• Chiv Keeb 22:18; Yakaunpau 2:23

  Aplahas tau ua Yehauvas tus phoojywg vim nws mloog Vajtswv lus thiab ntseeg Vajtswv.

• 2 Vaj Keeb Kwm 16:9

  Yehauvas pab cov uas mloog nws lus.

• Ntawv Nkauj 25:14; 32:8

  Yehauvas pub tswvyim rau nws cov phoojywg.

• Ntawv Nkauj 55:22

  Yehauvas txhawb nws cov phoojywg.

“Tej xwm txheej no huvsi Yauj tsis ua txhaum lossis hais tias Vajtswv ua txhaum.”​—Yauj 1:22

Xatas sim Yauj li cas tiamsis Yauj ua li cas xwb?

• Yauj 1:10, 11

  Xatas liam tias Yauj tsuas teev tiam Vajtswv vim nws xav tau tej yam zoo ntawm Vajtswv xwb, Yauj tsis hlub Vajtswv tiag.

• Yauj 1:12-19; 2:7

  Yehauvas cia Xatas sim Yauj. Xatas muab txhua yam uas Yauj muaj tshem huvsi mus thiab tseem ua rau Yauj tau ib tug mob phem heev.

• Yauj 27:5

  Txawm Yauj tsis paub tias vim li cas nws raug tej kev kub ntxhov no los, Yauj npuab siab ntsoov rau Vajtswv.

“Neeg yeem muab txhua yam uas nws muaj pauv nws txojsia.”​—Yauj 2:4

Xatas xav rhuav koj txojkev sib raug zoo nrog Vajtswv li cas?

• 2 Khaulee 11:14

  Tej zaum nws yuav ntxias kom peb tso lub neej ua haum Yehauvas siab tseg.

• Paj Lug 24:10

  Nws xav txo kom peb qaug zog, kom peb xav tias peb ua tsis tau raws li Yehauvas lub siab nyiam.

• 1 Petus 5:8

  Xatas tsim txom peb.

• Paj Lug 27:11

  Yog koj mloog Yehauvas lus thiab ua nws tus phoojywg, koj yuav qhia tias Xatas yog tus dag thiab nws tej lus kom tsis muaj tseeb.

“Qhov uas peb hlub Vajtswv yog li no, yog qhov uas peb tuav rawv nws tej lus nkaw.”​—1 Yauhas 5:3

Yuav ua li cas koj thiaj ua tau Yehauvas tus phoojywg?

• Kevcai 6:5

  Koj hlub Vajtswv koj thiaj xav mloog nws lus.

• Yaxaya 48:17, 18

  Yog koj mloog Yehauvas lus koj yuav tau lub neej zoo tshaj plaws.

• Kevcai 30:11-14

  Yehauvas yeej paub tias peb ua tau yam twg, nws yeej tsis hais kom peb ua tej yam peb ua tsis tau.

• Filipi 4:13

  Yehauvas yeej pub lub zog rau peb, xwv peb thiaj ua tau raws li nws siab nyiam.