“Txoj hauv paus siav nyob ntawm koj.”​—Ntawv Nkauj 36:9

Peb yuav saib txojsia muaj nqes li cas?

• Tubtxib Tes Haujlwm 17:28; Qhia Tshwm 4:11

  Yehauvas yog tus pub txojsia rau txhua tus, peb yuav tsum saib txojsia muaj nqes.

• Khiav Dim 21:22, 23; Kevcai 5:17

  Yuav tsum tsis txhob tua neeg, kev rho menyuam kuj txhaum thiab.

• 1 Yauhas 3:11, 12, 15

  Txhob ntxub luag lwm tus.

• 2 Khaulee 7:1

  Txhob ua tej yam qias, xws li haus yeeb haus tshuaj.

• Ntawv Nkauj 11:5

  Peb yuav tsis lam phov siav mus ua tej kev lomzem kom zoo peb lub siab xwb.

“Rau qhov txhua tus tsiaj txojsia puavleej yog nws cov ntshav. . . . Txhua tus tsiaj txojsia yog nyob hauv cov ntshav.”​—Levi Tej Kevcai 17:14

Vajtswv xav li cas txog ntshav thiab txojsia?

• Chiv Keeb 4:10; Kevcai 12:23

  Txojsia nyob hauv cov ntshav.

• Chiv Keeb 9:3, 4

  Peb noj tau nqaij tiamsis peb yuav tsum tsis txhob noj ntshav.

• Tubtxib Tes Haujlwm 15:28, 29; 21:25

  Vajtswv tsis pub siv ntshav ua tshuaj thiab tsis pub peb txhab ntshav hlo li.

• Henplais 11:6

  Peb txojkev sib raug zoo nrog Yehauvas yog yam uas tseem ceeb tshaj plaws hauv peb lub neej.

“Yexus cov ntshav kuj ntxuav peb lub txim huvsi lawm.”​—1 Yauhas 1:7

Yexus cov ntshav qheb kev kom peb tau txais tej koob hmoov twg?

• Levi Tej Kevcai 17:11

  Thaum cov neeg Yixayee ua txhaum, yuav kom Vajtswv zam lawv lub txim, lawv yuav tsum muab tsiaj tua xyeem rau Yehauvas. Ib tug pov thawj mam li muab tus tsiaj ntawd cov ntshav nchos rau lub thaj.

• Mathai 20:28; Henplais 9:11-14

  Yexus muab nws cov ntshav los txhiv peb lub txim peb thiaj tsis tau tua tsiaj theej txhoj lawm.

• Yauhas 3:16

  Yexus cov ntshav muaj nqes kawg nkaus li! Tom qab Yexus ciaj sawv rov mus saum ntuj, Yehauvas thiaj pub txojsia ib txhis tsis kawg rau txhua tus uas muaj kev ntseeg rau Yexus.