“Vim li no kuv thiaj txhos caug rau ntawm leej Txiv, yog tus uas txhua haiv neeg saum ntuj thiab hauv ntiajteb hu ua leej txiv.”​—Efexau 3:14, 15

Yuav kom peb tsev neeg muaj kev zoo siab, peb yuav tsum paub txog dabtsi?

• Chiv Keeb 1:26-28

  Yehauvas tsim thawj tsev neeg.

• Efexau 5:1, 2

  Yuav kom tsev neeg muaj kev zoo siab lawv yuav tsum xyaum Yehauvas thiab Yexus.

“Nej cov nyias yuav tsum hlub nyias tus pojniam . . . thiab cov pojniam los yuav tsum hwm nws tus txiv.”​—Efexau 5:33

Ob niam txiv ib leeg yuav tsum ua zoo rau ib leeg li cas?

• Efexau 5:22-29

  Tus txiv yuav tsum saib xyuas nws lub cuab lub yig. Nws yuav tsum hlub nws tus pojniam, thiab tus pojniam yuav tsum txhawb yam uas nws tus txiv txiav txim siab ua.

• Khaulauxi 3:19; 1 Petus 3:4

  Ib leeg yuav tsum hlub tshua ib leeg.

• 1 Petus 3:1, 2, 7

  Ib leeg yuav tsum hwm ib leeg.

• 1 Timaute 5:8; Titau 2:4, 5

  Tus txiv yuav tsum yug nws tsev neeg. Tus pojniam yuav tsum tab cuab tab yig.

“Tsis txhob zes ua rau nej tej menyuam npau taws, tiamsis yuav tsum tu lawv rau hauv [Yehauvas] tej lus qhuab qhia thiab nws tej lus ntuas.”​—Efexau 6:4

Cov niam txiv muaj tes haujlwm dabtsi?

• Kevcai 6:4-9; Paj Lug 22:6

  Cov niam txiv yuav tsum siv sijhawm qhia lawv tej menyuam txog Yehauvas. Thaum lawv tseem yau, ua siab ntev qhia tias lawv yeej ua tau Yehauvas tus phoojywg.

• 1 Petus 5:8

  Cov niam txiv yuav tsum cob qhia lawv cov menyuam xwv lwm tus thiaj ntxias tsis tau tej menyuam mus ua phem ua qias lossis lwm yam tsis zoo.

• Yelemi 30:11; Henplais 12:9-11

  Thaum koj qhuab ntuas menyuam, tsis txhob npau taws lossis ua limhiam rau lawv.

“Cov menyuam, nej cia li mloog niam txiv lus.”​—Efexau 6:1

Cov menyuam, vim li cas nej yuav tsum mloog nej niam nej txiv lus?

• Paj Lug 23:22-25; Khaulauxi 3:20

  Yog nej mloog lus, Yehauvas yuav zoo siab, nej niam nej txiv yuav zoo siab thiab.

• 1 Khaulee 15:33

  Ntaus phoojywg nrog cov uas hlub Yehauvas, thiaj yoojyim rau nej ua qhov ncaj.