“Lub qhov rooj nqaim thiab txojkev me uas coj mus txog txojsia, mas cov uas nrhiav tau kuj muaj tsawg heev.”​—Mathai 7:14

Vajtswv puas pom zoo txhua txojkev ntseeg?

• Mathai 7:21-23

  Vajtswv tsis txaus siab rau txhua txojkev ntseeg. Vim tej kev ntseeg ntawd tsis ua raws li Vajtswv siab nyiam.

• Mathai 7:13, 14

  Kev ntseeg tseeb yuav coj tibneeg mus txog txojsia ib txhis tsis kawg. Kev ntseeg cuav yuav coj tibneeg mus raug kev puam tsuaj.

• Mathai 7:16, 17

  Cov uas coj txojkev ntseeg tseeb yuav tsum ntseeg raws li Vajtswv lub siab nyiam thiab coj tus cwj pwm zoo. Koj tsis tas kawm txhua txojkev ntseeg, cia li kawm tej uas phau Vajlugkub qhia xwb.

• 1 Thexalaunika 2:13; 2 Timaute 3:16, 17

  Vajtswv cov tub qhe coj thiab qhia raws li phau Vajlugkub xwb.

• Mathai 4:10; Yauhas 17:6

  Pe hawm Yehauvas tib leeg xwb thiab siv nws lub npe.

• Yauhas 13:35

  Vajtswv cov tibneeg txawj sib hlub tiag tiag.

• Yauhas 3:36; Tubtxib Tes Haujlwm 4:12

  Mloog Yexus lus. Yexus Khetos yog tus uas Vajtswv txib los cawm noob neej.

• Yauhas 18:36; Tubtxib Tes Haujlwm 5:29

  Tsis txhob koom nrog lub ntiajteb no tej kev nom kev tswv.

• Mathai 24:14; 6:10

  Mus tshaj tawm tias Vajtswv lub Nceeg Vaj yog tib txojkev cia siab rau noob neej xwb.

Vajtswv xav kom peb ua li cas?

• Yakaunpau 2:19

  Qhov uas peb ntseeg tias muaj Vajtswv xwb tsis txaus. Peb yuav tsum ua raws li tej lus hauv phau Vajlugkub.

• Yaxaya 52:11; Qhia Tshwm 17:5

  “Lub Tuam Ceeb Npanpiloo,” lossis kev ntseeg cuav, tsis qhia raws li Vajtswv lub siab nyiam. Kev ntseeg cuav qhia txog Vaj Peb Leeg, lawv qhia tias tibneeg muaj ib tug ntsuj plig tsis txawj tuag, thiab muaj ntuj tawg hlawv.

• Qhia Tshwm 18:4, 8

  Yehauvas yuav muab tag nrho tej kev ntseeg cuav rhuav tshem. Yog li ntawd, tseem ceeb heev rau koj khiav deb ntawm txhua yam uas txuam nrog kev ntseeg cuav.

• Malakau 10:28-30

  Tej zaum ib txhia yuav tawm tsam koj, tiamsis Yehauvas yuav tsis tso koj tseg li.