Lub Vaj Kaj Siab Hauv Lub Ntiajteb
Yehauvas yuav kho txhua yam phem uas Xatas tau ua. Yehauvas twb tsa Yexus ua Vajntxwv kav thoob plaws lub ntiajteb lawm. Thaum nws kav, nws yuav muab lub ntiajteb ua ib lub vaj kaj siab.—Daniyee 7:13, 14; Luka 23:43.
Yehauvas cog lus txog tej yam zoo li no:
-
ZAUB MOV NPLUA MIAS: “Lub ntiajteb tau qoob loo lawm, thiab Vajtswv, peb tus Vajtswv, foom koob hmoov rau peb.” (Ntawv Nkauj 67:6) “Thov kom lub tebchaws ntawd muaj nplej ntsu nplua mias, thov kom muaj qoobloo puv nkaus saum tej pov roob.”—Ntawv Nkauj [Phau Ntawv Nkauj] 72:16, TMZ.
-
TSIS MUAJ KEV TSOV KEV ROG: “Cia li los, los saib [“Yehauvas,” NW] tej haujlwm, saib nws ua rau lub ntiajteb nyob do cuas li cas. Nws ua rau kev ua rog tiaj tus mus thoob qab ntuj kawg.”—Ntawv Nkauj 46:8, 9.
-
TSIS MUAJ TIBNEEG PHEM: “Rau qhov cov neeg limhiam yuav raug muab txiav tawm mus . . . Tshuav tsis ntev cov neeg limhiam yuav tsis muaj nyob lawm, txawm yog nrhiav ntawm lawv lub chaw nyob zoo zoo los tsis pom lawv nyob qhov ntawd lawm.”—Ntawv Nkauj 37:9, 10.
-
TSIS MUAJ KEV MOB, KEV QUAJ NTSUAG, LOSSIS KEV TUAG: “Mas tus neeg dig muag yuav pom kev, tus neeg lag ntseg yuav hnov lus. Tus neeg ceg tawv yuav dhia caws qia yam li muas lwj, tus neeg uas hais tsis tau lus tus nplaig yuav hu nkauj xyiv fab hlo.”—Yaxaya 35:5, 6.
“Vajtswv yeej yuav nrog lawv nyob thiab ua lawv tus Vajtswv. Nws yuav so txhua ncos kua muag ntawm lawv qhov muag, txojkev tuag yuav tsis muaj dua li lawm, txojkev quaj ntsuag txojkev quaj thiab kev mob yuav tsis muaj dua li lawm, vim tej qub twb dua tag lawm.”—Qhia Tshwm 21:3, 4.
Yehauvas yeej tsis dag zoo li Xatas thiab cov dab. Txhua yam uas Yehauvas cog lus tseg yuav tsum muaj tseeb. (Luka 1:36, 37) Yehauvas hlub koj thiab xav kom koj nyob hauv lub Vaj Kaj Siab uas nws yuav ua ntawd. Yog li ntawd nrog Yehauvas Cov Timkhawv tham koj thiaj kawm tau ntxiv txog qhov tseeb ntawm Vajtswv Txojlus. Yog tias koj ua lub neej raws li qhov tseeb, ces koj yuav dim ntawm tej kev ntseeg thiab kevcai uas cuav. Koj yuav paub txog tej yam uas koj tsis tau kawm dua. Thaum kawg koj yuav dim txojkev txhaum thiab kev tuag. Zoo ib yam li Yexus tau hais: “Nej yuav paub qhov tseeb, thiab qhov tseeb yuav tso nej nyob ywj pheej.”—Yauhas 8:32.
Tej Yam No Yuav Pab Tau Koj Thiab
ESSENTIAL BIBLE TEACHINGS
Vajtswv Lub Nceeg Vaj Yog Dabtsi?
Thaum Yexus ua Vajtswv tes num, nws tham txog Vajtswv lub Nceeg Vaj heev dua lwm yam. Tau ntau pua xyoo, Yexus cov thwjtim thov Vajtswv kom lub Nceeg Vaj ntawd los.
