PIB NROG LUAG THAM
ZAJ KAWM 5
Ua Neeg Thoob Tsib
Hauv paus ntsiab lus: Tej lus uas nej hais, nej yuav tsum ua tib zoo hais.—Kaulauxis 4:6.
Povlauj Coj Li Cas?
1. Saib zaj YEEB YAJ KIAB, los sis nyeem Tes Hauj Lwm 17:22, 23. Tom qab ntawd, tham txog ob lo lus no:
-
Thaum Povlauj pom cov neeg Athees teev mlom thoob plaws lub nroog nws xav li cas xwb?—Mus saib Tes Hauj Lwm 17:16.
-
Povlauj tsis thuam cov neeg Athees txoj kev ntseeg. Tiam sis nws hais lus saib taus lawv li cas?
Peb Kawm Tau Li Cas Los Ntawm Povlauj?
2. Yog peb ua tib zoo xaiv tej lus uas peb hais rau lub sij hawm uas zoo hais ces tib neeg yuav xav mloog peb qhia dua.
Xyaum Povlauj
3. Hais tej lus qab ntsev. Piv txwv li no, yog tias koj nrog ib tug neeg tsis ntseeg Vajtswv los sis tseem coj kev cai qub tham, tej zaum koj yuav tau hloov koj cov lus txhob hais tsi ntsees txog phau Vajlugkub los sis hais Yexus lub npe.
4. Txhob maj txiav lus. Thaum koj nrog ib tug twg tham, cia nws tham kom tag tso. Txawm nws hais tsis yog li phau Vajlugkub qhia los txhob maj nrog nws sib cav. (Yakaunpaus 1:19) Yog koj kub siab lug mloog, yuav pab tau koj paub nws txoj kev xav seb vim li cas nws thiaj hais li ntawd.—Paj Lug 20:5.
5. Qhuas nws thaum nws hais yog lawm. Feem coob yeej xav tias qhov uas lawv ntseeg ntawd yog lawm. Zoo rau koj xub nrhiav ib yam uas neb xav mus ib seem los nrog nws tham. Tom qab ntawd, koj mam qhia ib qho zuj zus hauv phau Vajlugkub rau nws.
SAIB COV NQE VAJLUGKUB
Paj Lug 25:15; 2 Timautes 2:23-26; 1 Petus 3:15
