NTU 3
Lub Neej Hauv Lub Vaj Kaj Siab Zoo Li Cas?
Yehauvas tsim tej yam zoo kawg nkaus rau Adas thiab Eva. Chiv Keeb 1:28
Yehauvas tsim thawj tug pojniam hu ua Eva. Nws muab Eva cob rau Adas yuav ua pojniam.
Yehauvas tsim nkawd tsis muaj ib qho txhaum li. Tsis hais nkawd tej roj ntsha mus rau nkawd tej kev xav, puavleej zoo kawg nkaus huvsi.
Nkawd nyob hauv ib lub vaj zoo nkauj heev hu ua Edee. Lub Vaj Kaj Siab ntawd muaj dej, muaj txiv hmab txiv ntoo, thiab muaj tsiaj txhu.
Yehauvas nrog Adas thiab Eva sib txuas lus thiab cob qhia nkawd. Yog tias nkawd mloog lus, nkawd yuav tau nyob lub Vaj Kaj Siab hauv ntiajteb no mus ib txhis li.
Muaj ib tsob ntoo uas Vajtswv txwv tsis pub rau Adas thiab Eva noj. Chiv Keeb 2:16, 17
Muaj ib tug tubtxib saum ntuj sawv tawm tsam Vajtswv. Tus tubtxib limhiam ntawd hu ua Xatas uas yog Ntxwg Nyoog.
Yehauvas qhia rau Adas thiab Eva tias, muaj ib tsob txiv ntoo uas nws txwv tsis pub noj. Yog nkawd noj, nkawd yuav tuag.
Xatas tsis xav kom Adas thiab Eva mloog Yehauvas lus. Nws thiaj siv ib tug nab los hais rau Eva tias, yog Eva noj tsob txiv uas Vajtswv txwv tsis pub noj, Eva yeej yuav tsis tuag, tiamsis Eva yuav zoo li Vajtswv. Tej no yog lus dag xwb.
Tej Yam No Yuav Pab Tau Koj Thiab
ESSENTIAL BIBLE TEACHINGS
Vajtswv Tsim Lub Ntiajteb Ua Dabtsi?
Vajtswv tsim lub ntiajteb tshwj xeeb heev. Vajtswv teeb lub ntiajteb nyob tsis deb tsis ze ntawm lub hnub thiab cia lub ntiajteb kiv tau kom haum nkaus. Vajtswv tsim lub hli pab kom lub ntiajteb txawj qaij. Vim li cas Vajtswv tsim lub ntiajteb zoo ua luaj?
PHAU VAJLUGKUB—TXOJ XOV YOG DABTSI?
Vajtswv Muab Ib Lub Vaj Kaj Siab Rau Tibneeg
Phau Vajlugkub piav li cas txog thaum Vajtswv tsim tibneeg? Vajtswv muab txoj cai twg rau thawj nkawm niam txiv coj?
