ZAJ KAWM 22
Koj Yuav Qhia Txoj Xov Zoo Rau Lwm Tus Li Cas?
Thaum koj los paub qhov tseeb hauv phau Vajlugkub, tej zaum koj yuav xav tias, ‘Tsim nyog txhua leej txhua tus los paub txog qhov no thiab!’ Yeej yog li koj xav. Txhua leej txhua tus yeej cheem tsum paub qhov tseeb. Txawm li ntawd los, tej zaum koj yuav ntshai qhia qhov tseeb rau lwm tus. Cia peb mus tham seb koj yuav tau ua li cas koj thiaj tsis ntshai thiab koj thiaj muaj cuab kav qhia txoj xov zoo hauv phau Vajlugkub rau lwm tus.
1. Yuav ua li cas koj thiaj qhia tau tej uas koj kawm rau cov neeg uas koj paub?
Yexus ob tug thwj tim hais tias: “Tej uas wb hnov thiab wb pom lawm, wb yeej yuav qhia, wb tsis npog li.” (Tes Haujlwm 4:20) Yexus cov thwj tim saib qhov tseeb rau nqi heev lawv thiaj xav muab qhia rau txhua leej txhua tus. Koj puas xav tib yam li lawv thiab? Yog koj xav tib yam li lawv, thaum zoo sij hawm cia li ua tib zoo qhia koj tsev neeg thiab koj cov phooj ywg txog tej uas koj tau kawm.—Nyeem Kaulauxais 4:6.
Koj yuav qhia li cas?
-
Thaum koj nrog koj cov txeeb ze tham, koj kuj hais tau li no: “Lub li tiam no kuv kawm tau ib yam zoo heev.”
-
Nyeem ib nqes Vajlugkub los txhawb ib tug phooj ywg uas muaj mob los sis muaj kev txhawj xeeb lub zog.
-
Yog ib tug koj nrog ua hauj lwm xav paub seb koj nyob li cas ces qhia nws txog tej uas koj kawm tau thaum koj kawm Vajlugkub los sis thaum koj mus kev sib txoos.
-
Qhia koj cov phooj ywg txog lub vej xaij jw.org.
-
Caw lwm tus los zaum mloog thaum koj kawm Vajlugkub, los sis qhia seb nws yuav mus rau npe kawm Vajlugkub li cas hauv jw.org.
2. Vim li cas ho tseem ceeb rau koj nrog lub koom txoos mus tshaj tawm ua ke?
Yexus cov thwj tim kuj mus qhia txoj xov zoo rau lwm tus uas lawv tsis paub thiab. Yexus “txib lawv ob leeg mus ib qho, ua Yexus ntej mus rau txhua lub nroog thiab txhua lub zos” mus qhia txoj xov zoo. (Lukas 10:1) Nws txib lawv mus tshaj tawm li no kom coob leej thiaj tau hnov txoj xov zoo. Thaum lawv mus tshaj tawm ua ke ua rau lawv zoo siab heev. (Lukas 10:17) Ua li koj puas nrog tau lub koom txoos mus tshaj tawm thiab?
KAWM NTXIV
Kawm seb koj yuav tau ua li cas koj thiaj tsis ntshai mus tshaj tawm xwv koj thiaj muaj kev zoo siab thaum koj qhia txoj xov zoo.
3. Yehauvas yuav nrog nraim koj
Ib txhia xav mus tshaj tawm tiam sis lawv ho ntshai tsam lawv ua tsis tau los sis tsam lwm tus ho thuam lawv.
-
Koj puas ntshai muab tej koj kawm tau qhia rau lwm tus? Vim li cas koj ho xav li ntawd?
Saib zaj YEEB YAJ KIAB, thiab tham txog lo lus no.
-
Ua li cas cov hluas no ho tsis ntshai lawm?
Nyeem Yaxaya 41:10, thiab tham txog lo lus no:
-
Thaum koj ntshai mus tshaj tawm txoj xov zoo, ua li cas ho zoo rau koj thov Vajtswv?
Koj puas paub?
Yehauvas Cov Tim Khawv coob tus xav tias lawv tsis muaj cuab kav mus tshaj tawm txoj xov zoo. Xawvnkem yog ib tug uas muab nws tus kheej saib qes qes thiab txaj muag nrog lwm tus sib txuas lus. Tiam sis nws kuj los kawm Vajlugkub. Nws hais tias: “Txawm kuv ntshai los, kuv cia li pib qhia lwm tus txog tej uas kuv tau kawm. Kuv ntseeg tsis tau tias thaum kuv nrog lwm tus tham txog phau Vajlugkub kuv cia li tsis ntshai lawm thiab kuj pab tau kuv txoj kev ntseeg loj hlob tuaj.”
4. Saib taus lwm tus
Ua ntej koj tshaj tawm txoj xov zoo rau ib tug twg, ua tib zoo xav seb koj yuav hais li cas thiaj tsis siab nws. Nyeem 2 Timaute 2:24 thiab 1 Petus 3:15, thiab tham txog cov lus no:
-
Ob nqes Vajlugkub no pab tau koj li cas thaum koj nrog lwm tus tham txog phau Vajlugkub?
-
Koj cov txheeb ze thiab cov phooj ywg ib txhia yuav tsis pom li koj pom. Thaum zoo li no koj yuav ua li cas? Thiab tsis zoo rau koj ua li cas?
-
Ua li cas ho zoo rau peb ua tib zoo nrog lawv tham xwb es txhob yuam kom lawv cia li ntseeg tej peb qhia?
5. Muaj kev zoo siab thaum tshaj tawm txoj xov zoo
Yehauvas muab tes hauj lwm tshaj tawm txoj xov zoo cob rau Yexus. Yexus saib tes hauj lwm ntawd zoo li cas xwb? Nyeem Yauhas 4:34, thiab tham txog ob lo lus no:
-
Peb yeej zoo siab thaum peb noj tej zaub mov uas zoo rau peb lub cev. Vim li cas Yexus ho muab qhov ua Vajtswv tes hauj lwm piv rau noj zaub mov?
-
Koj xav tias thaum mus tshaj tawm txoj xov zoo muaj kev zoo siab npaum li cas?
Kev pab kom koj paub qhia Vajlugkub
-
Thaum mus kev sib txoos 1, nrhiav kev mus nrog lwm tus tham.
-
Rau npe ua ib tug kawm rau kev sib txoos 1. Yog koj ua li no ces yuav pab tau koj txawj qhia lwm tus txog tej uas koj tau kawm.
-
Siv lub ntsiab me “Ib Txhia Hais Tias” los sis “Tej Tug Yuav Nug Tias” hauv phau ntawv no los xyaum kom koj txawj teb thaum muaj neeg nug koj los sis tawm tsam koj.
TEJ TUG YUAV NUG TIAS: “Niaj hnub no koj ua dab tsi lawm xwb?
-
Koj yuav ua li cas thiaj siv tau lub sij hawm no los qhia tus neeg ntawd txog tej uas koj kawm tau hauv phau Vajlugkub?
KOJ KAWM TAU DAB TSI
Koj yuav zoo siab heev thaum koj qhia txoj xov zoo rau lwm tus, thiab qhia txoj xov zoo yeej tsis nyuaj npaum li koj xav.
Rov Tham Dua
-
Vim li cas peb thiaj qhia txoj xov zoo rau lwm tus?
-
Koj yuav qhia li cas thiaj saib taus lwm tus?
-
Yuav ua li cas koj thiaj tsis ntshai thaum mus tshaj tawm txoj xov zoo?
TSHAWB NTXIV
Xav txog plaub txoj ke uas koj siv tau daim ntawv tiv tauj jw.org los qhia txoj xov zoo rau lwm tus.
Kawm txog plaub yam uas yuav pab tau koj mus qhia txoj xov zoo.
“Koj Puas Tau Xav Ua Ib Tug Tshaj Tawm Txoj Xov Zoo?” (Phau Tsom Faj lub 9 Hlis xyoo 2020)
Txawm peb tseem hluas los, saib seb ib tug qauv hauv phau Vajlugkub yuav pab tau peb muaj lub siab tuab li cas thaum mus qhia txoj xov zoo.
Nyeem seb yuav ua li cas koj thiaj qhia tau Vajlugkub rau cov txheeb ze uas tsis paub Yehauvas.
“Qhia Kom Raug Cov Txheeb Ze Uas Tsis Ntseeg Lub Siab” (Phau Tsom Faj lub 3 Hlis tim 15 xyoo 2014)
Tej Yam No Yuav Pab Tau Koj Thiab
TEJ UAS COOB TUS NUG TXOG
Kev Kawm Vajlugkub Nrog Yehauvas Cov Tim Khawv Zoo Li Cas?
Yehauvas Cov Tim Khawv qhia Vajlugkub dawb xwb. Koj xav siv phau Vajlugkub twg los kawm los yeej tau. Koj yeej caw tau tag nrho koj tsev neeg thiab koj tej phooj ywg tuaj nrog koj kawm.
