ZAJ KAWM 58
Muab Siab Npuab Rawv Yehauvas
Cov tseem Khixatias hlub Yehauvas thiab tsis cia ib yam dab tsi los sis ib tug twg ua rau lawv tso tseg tsis teev tiam Yehauvas. Koj los yeej xav ua li ntawd thiab. Qhov uas koj muab siab npuab Yehauvas muaj nqis heev rau nws. (Nyeem 1 Xwmtxheej Vajntxwv 28:9.) Tiam sim tej yam twg yuav ua nyuaj rau koj muab siab npuab rawv Yehauvas? Thiab dab tsi thiaj yuav pab tau koj?
1. Lwm cov neeg yuav ua li cas kom peb tsis txhob npuab siab rau Yehauvas?
Muaj ib co neeg yuav ua kom koj tso tseg tsis teev tiam Yehauvas. Cov neeg ntawd ib txhia yog cov neeg fav xeeb uas tso tseg tsis teev tiam Yehauvas lawm. Lawv yuav txhob txwm hais lus dag txog Yehauvas lub koom haum kom koj poob kev ntseeg. Hos ib txhia yog cov thawj coj ntawm tej kev ntseeg cuav. Lawv yuav hais lus xaiv lus cua txog peb kom cov uas tsis ceev faj raug ntxias thiab tso qhov tseeb tseg. Yog li ntawd, peb yuav tsum tsis txhob mus nrog cov neeg fav xeeb sib cam, nyeem lawv tej ntaub ntawv, mus saib lawv tej vej xaij, los sis saib lawv tej yeeb yaj kiab. Hais txog cov neeg no, Yexus hais kom peb “puam chawj lawv. Lawv yog neeg dig muag. Yog ib tug dig muag coj ib tug dig muag kev ces nkawd yeej yuav poob qhov xwb.”—Mathais 15:14.
2. Vim li cas tej uas peb txiav txim siab ua yuav qhia tias peb npuab siab rau Yehauvas los tsis npuab?
Yog peb hlub Yehauvas, peb yuav tsis mus ua ib yam dab tsi nrog tej kev ntseeg cuav. Yehauvas ceeb toom peb lawm tias: ‘Kuv haiv neeg, nej cia li tawm plaws hauv lub nroog [Npanpiloos uas loj dua ntais] mus!’ (Tshwmsim 18:2, 4) Yog li ntawd, txhua yam uas peb ua, tsis hais peb txoj hauj lwm, tej koom haum uas peb mus koom nrog, los sis lwm yam, yuav tsum tsis txhob muaj kev ntseeg cuav txuam nrog.
KAWM NTXIV
Kawm seb koj yuav ua li cas lwm tus thiaj yuav ntxias tsis tau kom koj tso Yehauvas tseg thiab vim li cas qhov uas koj khiav tawm ntawm kev ntseeg cuav thiaj qhia tias koj muab siab npuab Yehauvas.
3. Ceev faj cov xib hwb cuav
Thaum peb hnov lus xaiv lus cua tsis zoo txog Yehauvas lub koom haum, peb yuav ua li cas? Nyeem Pajlug 14:15 thiab tham txog lo lus no:
-
Vim li cas peb yuav tsum ceev faj tsis txhob ntseeg txhua yam uas peb hnov?
Nyeem 2 Yauhas 9-11 thiab tham txog cov lus no:
-
Peb yuav coj li cas rau cov neeg fav xeeb rau Yehauvas?
-
Txawm hais tias peb tsis nrog kiag cov neeg fav xeeb rau Yehauvas tham li los, ua cas muaj tej thaud peb ho kawm tau lawv tej tswv yim?
-
Yehauvas yuav xav li cas yog hais tias peb pheej mus mloog luag tej lus phem lus dag txog Yehauvas los sis nws lub koom haum?
4. Thaum muaj ib tug ua txhaum los peb yuav tsum muab siab npuab rawv Yehauvas
Yog peb paub tias ib tug hauv lub koom txoos tau ua txhaum loj, peb yuav tau ua li cas? Mus nyeem seb Vajtswv txoj kev cai hais li cas rau cov Ixayees thaum ub. Nyeem Levis Kevcai 5:1.
Zoo li nqe no hais, thaum peb paub tias ib tug hauv lub koom txoos ua txhaum loj lawm, peb yuav tau mus hais qhia rau cov txwj laus paub. Tiam sis ua ntej peb ua li ntawd, peb yuav tau xub mus nrog nws tham thiab txhawb kom nws mus cuag cov txwj laus thiab qhia nws txoj kev txhaum rau lawv. Yog nws tsis mus ces peb mam li mus qhia rau cov txwj laus paub. Peb ua li ntawd los twb yog vim peb muab siab npuab Yehauvas. Ua cas thaum peb ua li ntawd ho qhia tau tias peb hlub . . .
-
Vajtswv Yehauvas?
-
tus uas ua txhaum?
-
cov kwv tij nkauj muam hauv lub koom txoos?
Yog ib tug ntseeg muaj teeb meem ces kav tsij mus pab nws
5. Tsis txhob koom nrog tej kev ntseeg cuav li
Nyeem Lukas 4:8 thiab Tshwmsim 18:4, 5 ces tham txog cov lus no:
-
Kuv puas tseem muaj npe nyob rau hauv tej kev ntseeg cuav?
-
Lub koom haum uas kuv koom nrog puas muaj kev ntseeg cuav txuam nyob rau hauv?
-
Kuv txoj hauj lwm puas txhawb ib txoj kev ntseeg cuav twg?
-
Puas muaj lwm yam hauv kuv lub neej uas tseem txuam nrog kev ntseeg cuav uas kuv yuav tau muab tso tseg?
-
Yog tias kuv muaj ib qho li cov lus nug saum no ces kuv yuav tau hloov li cas?
Txawm koj yuav tau hloov li cas los peb vam tias koj yuav muab siab npuab rawv Yehauvas thiab ua haum Yehauvas siab xwb.
Yog lwm txoj kev ntseeg thov kom koj muab nyiaj txiag los sis lwm yam mus pab lawv, koj yuav ua li cas?
IB TXHIA HAIS TIAS: “Kuv xav paub seb cov neeg fav xeeb rau Yehauvas hais li cas txog Yehauvas Cov Tim Khawv, kuv thiaj li paub tiv thaiv qhov tseeb.”
-
Koj puas xav tias zoo rau peb ua li no? Vim li cas koj thiaj xav li ntawd?
KOJ KAWM TAU DAB TSI
Yuav kom peb muab siab npuab rau Yehauvas, peb yuav tsum tsis txhob mus nrog cov neeg uas xav dag ntxias peb.
Rov Tham Dua
-
Vim li cas tsis zoo rau peb mus mloog cov neeg fav xeeb rau Yehauvas tej tswv yim?
-
Peb yuav ua li cas yog peb paub tias muaj ib tug tau ua txhaum loj?
-
Yehauvas ceeb toom kom peb khiav tawm ntawm tej kev ntseeg cuav, peb yuav ua li Yehauvas hais li cas?
TSHAWB NTXIV
Thaum muaj neeg hais lus dag txog Yehauvas Cov Tim Khawv, koj yuav ua li cas?
“Koj Puas Paub Tias Muaj Tseeb Tiag?” (Phau Tsom Faj lub 8 Hli xyoo 2018)
Yuav ua li cas koj thiaj paub tias tej koom haum twg los sis tej hauj lwm twg txhawb kev ntseeg cuav?
Cov uas tawm tsam peb, muaj ib txhia tau ua li cas los txo peb txoj kev ntseeg?
Zaj “Kuv Pib Nrhiav Vajtswv Thaum Kuv Tseem Yog Me Nyuam Yaus,” hais txog ib tug pov thawj ntawm txoj kev ntseeg Seev Thaum (Shinto) uas tau tso txoj kev ntseeg cuav tseg.
“Vajlugkub Kho Tau Lub Neej” (Phau Tsom Faj lub 7 Hli tim 1 xyoo 2011)
Tej Yam No Yuav Pab Tau Koj Thiab
TEJ UAS COOB TUS NUG TXOG
Kev Kawm Vajlugkub Nrog Yehauvas Cov Tim Khawv Zoo Li Cas?
Yehauvas Cov Tim Khawv qhia Vajlugkub dawb xwb. Koj xav siv phau Vajlugkub twg los kawm los yeej tau. Koj yeej caw tau tag nrho koj tsev neeg thiab koj tej phooj ywg tuaj nrog koj kawm.
