Yexus los hauv ntiajteb los muab nws txojsia txhiv tibneeg. Txij thaum Yexus pib ua nws tes haujlwm los txog thaum nws tuag, Yexus yeej txo hwjchim pab lwm tus thiab zam txim rau cov uas ua txhaum. Txawm tias Yexus tuag li ntawd los nws twb kov yeej lub ntiajteb no lawm. Vim Yehauvas txojkev ncaj ncees, nws thiaj tsa nws tus Tub ciaj sawv rov muaj sia dua. Tom qab Yexus sawv hauv qhov tuag rov los, nws los tshwm rau nws cov thwjtim pom. Nws cob qhia lawv kom paub ua tes haujlwm tseem ceeb uas nws tso tseg rau lawv ua. Cov niam txiv, pab koj tus menyuam pom tias peb muaj feem txhawb tes haujlwm no thiab.