Thaum peb nyeem phau Vajlugkub, peb yuav nrhiav tau tej lus nyiaj lus kub yog tias peb ua tib zoo tshawb. Peb yuav tau tshawb nrhiav li cas?

Nkag siab qho yam uas sau tseg. Zoo rau yus paub seb leej twg yog tus sau, sau rau leej twg, thiab sau thaum twg. Tau muaj xwm txheej li cas lub sij hawm ntawd? Muaj li cas ua ntej? Muaj li cas tom qab?

Ua zoo xav seb koj kawm tau dab tsi. Xav li no: ‘Cov tib neeg uas koj nyeem txog, lawv tab tom xav dab tsi? Lawv coj li cas? Puas tsim nyog kuv xyaum lawv tus yam ntxwv los sis kuv yuav tsum tsis txhob ua li lawv ua?’

Siv tej uas koj kawm tsis hais thaum koj mus qhia Vajlugkub thiab thaum koj nrog lwm tus. Thaum ua li no lawd, ces koj ua zoo li phau Vajlugkub hais: “tus [uas] muaj tswvyim, [Yehauvas] pub kev totaub rau cov uas mloog nws tej lus samhwm.”​—Phau Ntawv Nkauj 111:10.

• Ib lub tswv yim zoo: Mus saib cov ntaub ntawv rau Kev Sib Txoos 1, ntu Vajtswv Tej Lus Nyiaj Lus Kub, uas yuav pab kom peb txawj siv tej uas peb kawm. Nyob rau hauv ntu no muaj cov lus pab peb tshuaj peb tus kheej, tej hauv paus ntsiab lus uas peb yuav tau ua tib zoo xav txog, thiab tej duab rau peb kawm ntxiv.