Vim Yexus tuag txhiv peb lub txim, Vajtswv thiaj zam peb tej kev txhaum. (Efexus 1:7) Txawm li ntawd los nyob hauv phau Vajlugkub hais tias Vajtswv “muaj lub siab ntev zam txim rau tej kev txhaum uas tib neeg tau ua” uas yog ua ntej Yexus los tuag theej neeg lub txhoj. (Loos 3:25) Vim li cas Yehauvas ho zam txim rau tib neeg ua ntej tus nqi txhiv thiab ho hais tias nws ua li ntawd yog lawm?

Thaum Yehauvas txiav txim siab tias nws yuav cia ib tug “xeebntxwv” los mus txhiv noob neej, nws saib tam li tus nqi txhiv ntawd twb them tag lawm. (Chivkeeb 3:15; 22:18) Vajtswv yeej paub tseeb tseeb tias nws tib leeg Tub yeej yuav txaus siab hlo tuag theej tib neeg lub txhoj. (Kalatias 4:4; Henplais 10:7-10) Thaum Yexus tseem nyob rau hauv ntiaj teb no, Yehauvas twb muab hwj chim zam neeg lub txim rau Yexus ua ntej nws tuag theej txhoj. Yexus zam tau cov uas muaj kev ntseeg tej kev txhaum vim nws paub tias tus nqi theej txhoj yuav duav tag nrho lawv tej kev txhaum.​—Mathais 9:2-6.