YUAV UA CAS THIAJ KOV YEEJ KEV SIB NTXUB
1 | Txhob Xaiv Ntsej Xaiv Muag
Phau Vajlugkub Qhia Tias:
‛Vajtswv tsis xaiv leej twg ntsej muag. Txawm yog haiv neeg twg los xij, Vajtswv lees yuav txhua tus uas hwm Vajtswv thiab ua haum Vajtswv siab.’—TES HAUJLWM 10:34, 35.
Nqe No Txhais Tias:
Yehauvas * tsis suav tias ib haiv neeg tseem ceeb dua ib haiv. Qhov uas tseem ceeb tshaj rau nws yog tus neeg sab hauv. Tib neeg ‛saib lub cev sab nraud xwb, tiam sis Yehauvas saib lub siab.’—1 Xamuyees 16:7.
Peb Xyaum Nqe No Li Cas:
Txawm peb tsis paub tib neeg lub siab los peb yeej xyaum tau Vajtswv es txhob xaiv ntsej xaiv muag. Txhua tus nyias yeej muaj nyias ib lub siab. Peb yuav tsum paub ib tug neeg kom zoo tso. Txhob maj suav tias lawv yog neeg phem. Yog tias koj tsis nyiam ib haiv neeg twg, thov Yehauvas pab koj tshem tawm txoj kev xav phem ntawd. (Phau Ntawv Nkauj 139:23, 24) Yog koj muaj lub siab dawb paug thov Vajtswv lawm, nws yeej yuav mloog koj thiab pab koj. —1 Petus 3:12.
^ nqe 6 Vajtswv hu ua Yehauvas.—Phau Ntawv Nkauj 83:18.
“Kuv yeej tsis tau mus zaum hauv ib tug neeg tawv dawb tsev thiab nrog nws koom tsum . . . Nim no kuv muaj ib cuab kwv tij thoob ntiaj teb lawm.”—TITUS
Tej Yam No Yuav Pab Tau Koj Thiab
TSIM DHEEV!
Koj Puas Yog Neeg Xaiv Ntsej Xaiv Muag?
Tej kev xav twg qhia tias peb xaiv ntsej xaiv muag?
