Puas Muaj Kev Cia Siab Rau Cov Tuag Lawm?
Yeej tsis muaj leejtwg dim kev ploj kev tuag li. Tiamsis thaum peb tuag, puas yog tas li ntawd lawm xwb? Puas muaj kev cia siab rau cov tuag?
PHAU VAJLUGKUB HAIS LI NO:
VAJTSWV NCO NTSOOV TXHUA TUS UAS TAS SIMNEEJ LAWM
“Cov neeg uas tuag lawm . . . yuav tawm hauv lawv tej qhov ntxa los.”—Yauhas 5:28, 29.
Vajtswv yeej nco ntsoov cov uas tau tas simneej lawm thiab nws yuav tsa lawv sawv rov los muaj sia nyob dua.
COV TAS SIMNEEJ LAWM YUAV SAWV ROV LOS NYOB HAUV NTIAJTEB
“Vajtswv yuav tsa cov neeg uas tuag lawm txhua tus sawv rov qab los, tsis hais cov neeg ua phem lossis cov neeg ua zoo.”—Tes Haujlwm 24:15.
Coob tus yuav sawv rov muaj sia dua thiab yuav nyob tau mus ibtxhis hauv lub vaj kaj siab.
COV TAS SIMNEEJ LAWM YEEJ YUAV SAWV TAU ROV QAB LOS
Vajtswv “pub muaj pestsawg lub hnubqub, thiab nws tis npe rau txhua lub hnubqub nyias muaj nyias npe.”—Phau Ntawv Nkauj 147:4.
Yog Vajtswv twb suav txhij txhua lub hnubqub ces nws yeej nco ntsoov txhua tus uas tas simneej lawm thiab yuav tsa lawv sawv rov qab los.
