Txhua txhua tag kis, muaj ib khub txij nkawm yeej nyeem ib zaj txog cov kwv tij nkauj muam lub neej. Nkawd hais tias: “Thaum nyeem txog lawv lub neej mas ua rau wb zoo siab thiab txhawb tau wb lub zog kawg li.” Muaj dua ib tug muam sau hais tias: “Nyeem tej zaj uas hais txog cov kwv tij nkauj muam lub neej mas raug kuv siab, txhawb kuv lub zog, thiab ua rau kuv sov siab so. Lawv yeej ua neej nyob muaj hauv paus hauv ntsis. Thaum nyeem txog lawv mas txhawb tau kom kuv mus tshaj tawm txoj xov zoo thiab pab kom kuv txawj cob qhia kuv cov me nyuam ua hauj lwm puv ntoob rau Yehauvas.”

Nyeem tej zaj uas hais txog cov kwv tij nkauj muam lub neej yuav txhawb tau kom koj muaj hom phiaj ua Yehauvas tes hauj lwm, thev dhau tej yam uas koj lub siab ntshaw, thiab txaus siab hlo thev tej kev sim siab uas koj raug. Koj yuav mus nrhiav tej zaj no rau qhov twg?

• Mus tshawb lub vej xaij jw.org/hmn ntawm lub ntsiab “Vajlugkub Kho Tau Lub Neej.

• Mus tshawb “Kuv Lub Neej” hauv Watchtower LUB VEJ XAIJ TSHAWB NRHIAV VAJLUGKUB^™.