Peb tsis yog mus pe hawm Yehauvas thaum mus kev sib txoos thiab mus tej rooj sib txoos xwb, tiam sis peb kuj pe hawm Yehauvas hauv tsev nrog peb tsev neeg los sis peb tus kheej. Zoo rau koj los sis koj tsev neeg kawm txog tej no:

• Npaj rau kev sib txoos. Nej xyaum hu cov nkauj thiab npaj lus teb.

• Nyeem ib zaj hauv phau Vajlugkub. Tom qab ntawd, kos duab txog zaj ntawd los sis muab tej uas koj tau kawm sau cia.

• Nyeem ib zaj lus thov hauv phau Vajlugkub es xav txog zaj lus thov ntawd kom pab tau koj txawj thov Vajtswv.

• Mus saib ib zaj yeeb yaj kiab hauv lub vej xaij jw.org/hmn es tham nrog lwm tus txog zaj ntawd los sis sau seb koj nyiam zaj ntawd li cas.

• Npaj seb yuav mus tshaj tawm txoj xov zoo li cas thiab xyaum nrog lwm tus seb koj yuav hais li cas.

• Mus saib tej uas Yehauvas tau tsim thiab ua tib zoo xav txog tej ntawd los sis tham seb tej ntawd qhia koj li cas txog Yehauvas. a