Nyeem Chivkeeb 37:23-28; 39:17-23 seb Yauxej thev kev tsis ncaj ncees li cas rau li cas.

Tshawb nrhiav seb muaj li cas. Vim li cas Yauxej ho raug kev tsis ncaj ncees? (Chivkeeb 37:3-11; 39:1, 6-10) Yauxej tau thev kev tsis ncaj ncees hov ntev? (Chivkeeb 37:2; 41:46) Nyob rau ncua sij hawm ntawd, Yehauvas tau ua dab tsi los pab Yauxej, thiab Nws ho tsis ua dab tsi?​—Chivkeeb 39:2, 21; w23.01 17 ¶13.

Tshawb nrhiav ntxiv. Txawm tias Pautifas tus poj niam iab liam Yauxej txog tej yam tsis muaj tseeb los nyob hauv phau Vajlugkub qhia tsis txog tias Yauxej liam hais tias nws hais dag. Cov nqe Vajlugkub tom ntej no yuav pab peb nkag siab vim li cas Yauxej ua twj ywm tsis hais ib los li, thiab vim li cas nyob hauv phau Vajlugkub ho tsis piav kom tshab tshab li cas. (Pajlug 20:2; Yauhas 21:25; Tes Haujlwm 21:37) Yauxej muaj tej yeeb yam twg pab tau kom nws ua siab ntev thev tej kev tsis ncaj ncees?​—Mikhas 7:7; Lukas 14:11; Yakaunpaus 1:2, 3.

Xav txog tej koj kawm tau es muab coj los siv. Nug koj tus kheej li no:

• ‘Tej kev tsis ncaj ncees twg yuav los raug kuv vim kuv yog Yexus ib tug thwj tim?’ (Lukas 21:12, 16, 17; Henplais 10:33, 34)

• ‘Kuv yuav ua li cas tam sim no xwv thiaj pab tau kuv thev tej kev tsis ncaj ncees?’ (Phau Ntawv Nkauj 62:7, 8; 105:17-19; w19.07 2-7)