Thaum Yehauvas Cov Tim Khawv npaj rau kev sib txoos, muaj coob tus nyiam siv lub twj JW Library^® vim lawv mus tau ncaj qha rau cov zaj kawm hauv Phau Tsom Faj. Tiam sis Phau Tsom Faj rau lub koom txoos kuj muaj lwm zaj uas txhawb peb txoj kev ntseeg thiab. Koj yuav mus nrhiav cov zaj lus no hauv lub twj JW Library li cas los txhawb koj txoj kev ntseeg?

• Hauv qab taw ntawm txhua txhua zaj kawm hauv Phau Tsom Faj muaj lub ntsiab ua lus Askiv tias “Additional Reading.” Hauv qab lub ntsiab no, koj yuav pom ib kab lus Askiv hais tias “Other articles in this issue.” Thaum koj nias kab lus no, koj yuav pom txhua zaj kawm hauv Phau Tsom Faj. Ces koj mam li nias zaj uas koj xav nyeem.

• Thaum koj qhib lub twj JW Library, nyob rau thawj sab koj yuav pom lub ntsiab ua lus Askiv tias “What’s New.” Cov Phau Tsom Faj uas nyob hauv qab lub ntsiab no yog cov uas nyuam qhuav tawm tshiab. Theej txhua zaj uas tawm tshiab rau hauv koj lub twj ces koj mam qhib cov uas koj theej tau los saib. Ua zoo saib cov ntsiab lus thiab nrhiav sij hawm los nyeem txhua zaj thiaj yuav txhawb tau koj txoj kev ntseeg.