Yog nkawd nyob nkawd ob leeg ib hmos nkaus ces qhov no yeej ua tau pov thawj tias nkawd tau sib daj sib dee lawm. Yog li ntawd, yog nkawd qhia tsis tau tias vim li cas nkawd thiaj nyob ua ke ces yuav tau tsa ib rooj txiav txim.​—1 Khaulee 6:18.

Pab txwj laus yuav ua tib zoo soj qab taug lw xwv lawv thiaj paub tseeb tias tsim nyog tsa ib rooj txiav txim los tsis tsim nyog. Lawv yuav xav txog cov lus nug no: ‘Nkawd puas yog hluas nkauj hluas nraug? Cov txwj laus puas tau ntuas nkawd dua txog qhov uas nkawd pheej ua ke li tej hluas nkauj hluas nraug? Ua li cas hmo ntawd nkawd ho nyob ua ke? Puas yog nkawd twb sib teem ua ntej lawd? Puas yog ti tes ti taw lawm es nkawd thiaj ua tsis tau li cas xwb? (Laj Lim Tswvyim 9:12) Nkawd pw ua ke los nyias pw nyias?’ Kuj muaj lwm yam ntau heev uas cov txwj laus yuav tau xav txog uas hais tsis tag.

Pab txwj laus ua tib zoo luj txhua yam lawv mam li txiav txim siab seb puas tsim nyog tsa ib rooj txiav txim.