Cov niam txiv lub luag hauj lwm yog qhia lawv cov me nyuam txog Yehauvas. (Efexus 6:4) Yehauvas lub koom haum kuj luam tawm ntau zaj ntaub ntawv, yeej yaj kiab thiab nkauj los mus pab cov niam txiv. Ua li koj yuav siv tej no los mus pab koj cob qhia koj cov me nyuam li cas rau li cas?

• Mus saib lub vej xaij jw.org/hmn. Yog koj mus rau hauv koj yuav pom muaj ntau yam rau cov me nyuam kawm thiab saib. a Yuav kom koj nrhiav tau tej no, ntaus ntawm qhov nrhiav “Menyuam” los sis “Cov Hluas.”

• Nrhiav qhov uas haum koj tus me nyuam lub hnub nyoog. Nyob rau ntu “Menyuam,” koj xaiv tau yeeb yaj kiab, nkauj, los sis tej yam uas koj xav tias yuav pab tau koj tus me nyuam.

• Lauj sij hawm los nrog koj cov me nyuam sib tham txog tej no. Tsis txhob muab tej ntaub ntawv luam tawm rau me nyuam ua me nyuam xwb los sis tso tej yeeb yaj kiab los zov me nyuam. Tiam sis yuav tsum nyob ntawd nrog koj cov me nyuam thiab qhia kom lawv nrog Yehauvas sib raug zoo.